HATAW! D'yaryo ng Bayan hatawtabloid.com
I-FLEX
ni Jun Nardo
NAGPAPASALAMAT ang rapper/actor/director at vlogger na si Pio Balbuena kay dating senador at independent senatorial candidate na si Bam Aquino sa pagbibigay ng pagkakataon sa mga tambay na magkaroon ng magandang kinabukasan sa pamamagitan ng kanyang batas na libreng kolehiyo.
Sinabi ni Pio sa isa niyang vlog na hindi lang diskarte ang mahalaga para magkaroon ng magandang buhay kungdi ang pagkakaroon ng diploma.
“Kung nalaman ko lang ang libreng kolehiyo ni Senador Bam, sana ay pinursige ko na ang pangarap kong kurso!” saad ni Pio.
Hinikayat naman si Pio ng senador na hindi pa huli ang lahat at kaya pa niyang matupad ang pangarap sa libreng kolehiyo.
Bukod sa pagiging rapper/actor/director at vloger, si Pio ang may-ari ng sikat na Tambay caps na famous worldwide. Sa pamamagitan ng kanyang Tambay Traders, Inc, nakapagbigay trabaho siya sa mga tambay.
Kalalabas lang ni Pio ng bago niyang single na 45 BARS at sinabing suportahan si Bam Aquino para makabalik sa Senado at palakasin pa ang free college law niyang nilikha.
