Herlene  gustong pumasok sa PBB, Ashley ipagtatanggol

MA at PA
ni Rommel Placente

MUKHANG hindi nagustuhan ni Herlene Budol ang nangyayari sa kaibigang si Ashley Ortega.

Si Ashley ay kasalukuyang nasa loob ng Bahay ni Kuya bilang housemate sa pinakabagong edisyon na Pinoy Big Brother: Celebrity Collab.

Nitong linggo lang nang ipalabas sa isang episode na tila hirap pa rin si Ashley sa pakikitungo sa mga kasamahan at ang intense na pag-amin ni AC na pakiramdam niya ay hindi pa rin ipinakikita ng Kapuso actress ang totoong sarili.

Marahil ay napanood ito ni Herlene lalo’t kalat rin  sa social media ang mga screengrab at artcard ng dalaga.

Kaya naman tila may pakiusap ang dalaga kay Big Brother na pansamantalang pumasok sa PBB house.

“Parang naawa ako kay ashley! kuya pasok moko talakan ko lang mga namamlastik kay ashley sa loob,” sabi ni Herlene sa comment section ng kanyang post.