HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PANALONG kuwento ng buhay ang hatid ng pelikulang Olsen’s Day na pinagbibidahan nina Khalil Ramos at Romnick Sarmenta na idinirehe ni JP Habac. Isa ito sa mga official entry sa full-length film category ng Puregold CinePanalo Film Festival 2025 na magaganap mula Marso 14-25 sa Gateway Cineplex 18.
Ang pelikula ay ukol sa pagmu-move on at pag-abot sa mga bagay na hindi na kayang mangyari pa. Ito ay tungkol sa pag-aalala sa unang pagkikita sa pag-ibig at pagkawala, pagtuklas ng bagong layunin para mabuhay.
Kasama rin sa pelikula ang batang aktor na si Xander Nuda gayundin sina Sherry Lara, Nour Hooshmand, Che Ramos,at Bodjie Pascua.
Akmang-akma ang kuwento ng Olsen’s Day sa tema tema ng festival, “Mga Kwentong Panalo ng Buhay.”
Iikot ang kuwento ukol sa isang 30 year old researcher na nakatagpo ang isang matandang lalaki at anak nito sa isang paglalakbay. Habang kasama ang matandang lalaki, nagkaroon sila ng kakaibang “family” adventure tulad ng maraming stop over, kuwentuhan, pakikinig ng musika, pagkain, at pagtatalo. Hindi namalayan ng stranger na naisa-alang-alagang niya ang kanyang trabaho. Nawawala ang package na dapat niyang dalhin sa Manila. Kaya naman nagdesisyonan iyong bumalik sa ospital na pinagdalhan sa matandang lalaki at anak niyon, sa paniwalang baka nabitbit ng mga iyon ang hinahanap niyang package. Hindi niya alam na ang pagtungo niya sa naturang lugar ang magiging daan para mabuksan o malaman ang isang katotohanan ukol sa kanyang buhay.
“Hindi kami masyadong close ng tatay ko pero alam naming dalawa sa puso namin na may kakaibang ugnayan kami. Nawala siya noong January 2012. First major heartache ko iyon. Kailangan kong mapuntahan. Kinailangan kong tumakas. Kinailangan kong mag-move on,” kuwento ni Olsen.
Tinatalakay sa Olsen’s Day ang ugnayan ng pamilya at ugnayang hindi namamatay sa kuwento ng mag-ama na magdadala sa dulo pabalik sa simula. Layunin nitong ibahagi ang kahalagahan ng pamilya, ng paggugol ng oras, at pagsasaya ng mga sandali, at pag-alala kung ano ang mahalaga sa araw-araw.
Isinulat nina JP Habac at Kristin Barrameda, ang Olsen’s Day ay isang Coming-of-Age Comedy-Drama. Ito ang pagbabalik-sa big screen ni Khalil na ang huling pelikulang ginawa ay ang Gomburzanoong 2023 na gumanap bilang si Jose Rizal.
