HATAW! D'yaryo ng Bayan hatawtabloid.com
MA at PA
ni Rommel Placente
ISA pang mananatiling Kapamilya ay si JC de Vera matapos din itong muling pumirma ng panibagong kontrata sa ABS-CBN.
Way back 2013 nang lumipat ang aktor sa Kapamilya Network at simula noon ay wala siyang pagsisisi sa naging desisyon dahil nahasa nang husto ang kanyang craft bilang aktor.
Kaya naman always looking forward si JC sa contract signing niya as Kapamilya, dahil panibagong opurtunidad ito na mag-grow pa siya as an actor.
Pagtanaw niya sa mahigit 21-years niya sa showbiz, ang masasabi niya na ang biggest challenge sa career ay ang longevity. Kung paano niya napatagal ang sarili sa industriya at kung paano napanatiling exciting pa rin ang career.
Nagpapasalamat naman siya sa kanyang mother network na hindi pa rin siya pinakawalan. Still growing as an actor, motivated at excited pa rin si JC sa mga gagawing projects in the future.
Sa Kapamilya ay nabansagan siyang versatile actor which is nakaka- pressure sa kanya, pero up to the challenge raw siya.
Hindi rin niya nakalimutang pasalamatan ang yumaong manager na si Leo Dominguez.
Sa huli, masayang ibinahagi ni JC na sa tuwing magsa-sign siya ng panibagong kontrata ay buntis ang asawang si Rikkah tulad na lamang ngayon, na preggy ito sa pangatlo nilang anak.
