HATAW! D'yaryo ng Bayan hatawtabloid.com
PERSONAL na tinugunan ni dating Manila Mayor Francisco “Isko Moreno” Domagoso ang minimithi at sigaw ng mga Manileño na muling bumalik upang pamunuan ang pamahalaang lungsod ng Maynila nang maghain ng kandidatura para sa pagka-alkalde ng lungsod kasama ang ang kanyang tandem sa pagka-bise alkalde na si Chi Atienza, sa huling araw ng paghahain ng certificate of candidcay COC) sa COMELEC Satellite Office sa SM Manila, sa Ermita district.
Ang paghahain nina Moreno at Atienza ay dinagsa ng daan-daang tagasuporta na lubos ang pasasalamat at kapwa iisa ang sigaw na “May nanalo na, ang Pagbabalik!”
Sa paghahain ng pormal na kandidatura ni Moreno ay kanyang makakatunggali ang incumbent Manila Mayor na si Dra. Honey Lacuna na kapwa magkapatid ang turingan noong kanilang panahon sa partido ng Asenso Manileño.
Makakatunggali naman ni Chi Atienza sa pagka-bise ang incumbent vice mayor ng lungsod na si VM Yul Servo Nieto na katiket ni Lacuna.
Sa panayam kay Moreno, tututukan niya ang social services ukol sa mga kabataan, estudyante at mga senior citizens at muling ibabalik ang kinang, kaayusan at katiwasayan sa lungsod.
Kasama ni Moreno ang mga tagasuporta mula sa iba’t ibang opisina at ahensiya ng lungsod na nagpakita ng buong suporta sa kanilang kandidatura.
