KimPau movie hinuhulaang magiging blockbuster
MA at PA
ni Rommel Placente
PAGKATAPOS mapanood sa dalawang hit serye na ginawa nila mula sa ABS-CBN na Linlang at What’s Wrong With Secretary Kim, this time, ay sa pelikula naman mapapanood/magpapakilig sina Kim Chiu at Paulo Avelino, na mas kilala na ngayon sa tawag na KimPau.
Yes, noong Lunes ay ini-annouce sa It’s Showtime ang pelikula ng KimPau, ang My Love For You Will Make You Disapper, na isang romantic-comedy na ididirehe ni Chad Vidanes.
O ‘di ba, bongga ang KimPau? Dahil nga sikat na sikat ngayon ang love team nila, kaya binigyan sila ng pelikula. At naniniwala kami na magiging blockbuster ang movie kapag naipalabas na dahil nga sa rami ng mga sumusuporta at nagmamahal sa kanila.
Heto nga’t hindi pa man naipalalabas ang pelikula, marami ng grupo ng mga tagahanga ng KimPau ang may plano na magpa-block screening para sa naturang pelikula.
