Friday , July 19 2024
BINI Puregold

BINI at Puregold ipinagdiriwang pagbabago sa pinakabagong single ng grupo

NAGBABALIK ang nation’s girl group na BINI, kilala sa kanilang mga nangungunang kanta, at inihahandog ang isang bagong single na nilikha kasama ang Puregold. Sa isang kakaibang lapat sa kantang Nasa Atin ang Panalo, ipinasok ng BINI ang temang Ang Kwento ng Pagbabago.

Noong nagdesisyon kaming itampok at magtrabaho kasama ang mga nangungunang artista sa musika sa bansa, alam naming kailangang makatrabaho ang BINI,” sabi ni Puregold President Vincent Co. “Nagsumikap sila para maging bahagi ng lokal na industriya ng musika, at ipinagmamalaki naming itanghal ang kanilang talento katambal ang Puregold.”

Ilang linggo na ang nakararaan, inilabas ng Puregold ang Nasa Atin ang Panalo music video, isang kolaborasyon kasama ang BINI, SB19, si Flow G, at ang SunKissed Lola. Pagkatapos ipakita kung ano ang maaaring gawin ng bawat isa sa kanila sa kanta, handog naman ngayon ng Puregold ang kompletong bersyon na itinanghal ng BINI.

Sa awitin, nakapokus ang BINI sa kanilang pag-unlad at paglago bilang mga mang-aawit. Katulad ng kanilang mga nagmamahal na fan na tinatawag na “Blooms”, patuloy din ang BINI sa pamumukadkad sa kanilang karera. Sa pambungad na mga liriko ng kanta, bakas ang pagdala ng mga nakaraan at kasalukuyang karanasan ng BINI sa kung nasaan sila ngayon: “Ang mga itinuro ng noon / Dalhin at palakasin ang ngayon.”

Paalala ang kanta sa mga Bloom at mga nagmamahal sa musika sa bansa, na palaging may panibagong araw upang pagbutihin pa ang sarili. Binubuod ito ng BINI sa pre-chorus: “Anuman ang pinagmulan / Mas mahalaga ang pupuntahan!”

Sa music video ng single, mapapanood ang BINI na sumasayaw at nagtatanghal sa isang tila Puregold store. Rito, ibinabahagi ng BINI ang kanilang kuwentong Panalo sa mga empleado at mamimili sa Puregold. Ipinagdiriwang ng kanta ang BINI at ang mga taong nakatulong din sa tagumpay ng Puregold sa nagdaang mga taon.

Katulad ng BINI, patuloy ding nagsusumikap ang Puregold makamit ang sarili nitong kwento ng pagbabago,” ani Ivy Hayagan-Piedad, senior marketing manager ng Puregold. “Kaya tuloy-tuloy din kaming magbubukas ng mga lokasyon sa iba-ibang sulok ng bansa, pagbubutihan ang paglilingkod sa aming mga suki, at magiging aktibo sa iba-ibang mga inisyatibong makapagbabago ng Pilipinas.”

Isa sa mga pangunahing magtatanghal sa Nasa Atin ang Panalo Thanksgiving concert ng Puregold ang BINI, sa Hulyo 12 sa Araneta Coliseum. Itatampok din sa concert ang SB19 at si Flow G habang maghahandog naman ng espesyal na pagtatanghal ang SunKissed Lola. 

Para sa karagdagang impormasyon kung paano makakukuha ng ticket, i-follow lamang ang Puregold at ang mga musikero sa kanilang mga social media account.

About hataw tabloid

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …

071824 Hataw Frontpage

Sa ‘tungki ng ilong’ ng gov’t hospital  
UTAK NG ‘KIDNEY FOR SALE’ ITINANGGING HEAD NURSE PERO EMPLEYADO NG NKTI

ni ALMAR DANGUILAN INAMIN ng National Kidney Transplant Institute (NKTI) na kanilang empleyado sa loob …

50th MMFF

Ika-50 taon ng MMFF ipagdiriwang

INILUNSAD ng Metro Manila Film Festival (MMFF) ang pagsisimula ng ginintuang jubilee noong Hulyo 16, 2024, sa …