Friday , July 19 2024
Migz Zubiri Gibo Teodoro Ayungin Shoal WPS

Zubiri nanawagan agarang modernisasyon ng AFP at PCG (sa insidente ng Ayungin Shoal)

BINIGYAN-DIIN ng dating Pangulo ng Senado na si Juan Miguel Zubiri ang kritikal na pangangailangan na imodernisa ang Armed Forces of the Philippines (AFP) at Philippine Coast Guard (PCG) dahil sa marahas na sagupaan noong Hunyo 17 ng Chinese Coast Guard at mga tropa ng Philippine Navy malapit sa Ayungin Shoal.

Hindi na sapat ang pag-condemn sa China,” ani Zubiri noong Biyernes, Hunyo 21. “Kahit pa maraming sektor ng pandaigdigang komunidad ang matatag na sumusuporta sa atin, hindi natin matitinag ang China. Malinaw na nais nilang patuloy na gamitin ang kanilang lakas para mapasok ang ating teritoryo at ang ating eksklusibong economic zone.”

Ibinida ni Zubiri ang P6-B badyet para sa AFP at P2.8-B para sa PCG sa pambansang badyet ng 2024, na nakatuon sa modernisasyon ng kanilang mga kagamitan upang paghandaan ang palakas na palakas na aksiyon ng China sa South China Sea.

Binanggit din niya ang bagong pinasa na New Government Procurement Act, na makatutulong para, “mabilis na mabilis ang mga kinakailangang kagamitan para sa ating matatapang na sundalo, na nagbubuwis ng kanilang buhay para sa soberaniya ng ating mahal na bansa.

Nakahanda na ang badyet, at parating na ang batas. Nananawagan ako sa lahat ng mga nasa gobyerno na kumilos ng may pinakamataas na agarang pagkilos upang maisakatuparan ang ating mga plano sa modernisasyon, at para makapag-set up tayo ng mas malakas na depensa sa West Philippine Sea,” giit pa ni Zubiri.

Binigyang-diin din ni Zubiri ang kahalagahan ng paghahanda dahil sa tumitinding karahasan malapit sa BRP Sierra Madre, na ang mga tauhan ng Chinese Coast Guard na may dalang bolo at palakol ay ilegal na sumampa at bumangga sa mga sasakyang pandagat ng Pilipinas sa isang resupply mission, na nagdulot ng pinsala sa mga inflatable hulls at mga sugat, kabilang ang isang tauhan ng Navy na nawalan ng hinlalaki.

Nakita naman po natin sa mga ini-release na video kung paano kinawawa, pinagtulungan at parang kinuyog ang ating mga magigiting na sundalo, isa po ay nagtamo pa ng seryosong pinsala sa katawan,” sabi ni Zubiri. “Ang pag-usad ng ating programa sa modernisasyon ng puwersa ay ang tanging paraan pasulong. Hindi man natin kayang tapatan ang lakas ng China, madadagdagan natin ang ating puwersa sa pagpapatrolya ng West Philippine Sea,” dagdag pa niya.

About hataw tabloid

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …