Friday , July 19 2024
FIRING LINE ni Robert B. Roque, Jr.
FIRING LINE ni Robert B. Roque, Jr.

Wanted ngayon: DepEd chief

FIRING LINE
ni Robert B. Roque, Jr.

KUNG gaano kabilis tinalikuran ni Vice President Sara Duterte-Carpio ang Department of Education bilang kalihim nito matapos niyang ianunsiyo ang kanyang pagbibitiw sa puwesto, dapat ganoon din kabilis si President Marcos sa pagtatalaga ng papalit sa kanya.

Natural lang na magkaroon ng vetting process at hindi rin naman gusto ng Malacañang na ora-oradang magtalaga ng bagong kalihim ng edukasyon. Gayonman, ang agarang pangangailangan ay bunsod ng katotohanang magsisimula na ang bagong school year sa susunod na buwan.

Ang “Matatag curriculum” ng administrasyon na inilunsad noong nakaraang taon ay puntiryang magkaroon ng maaasahan at maayos na latag ng educational framework na mag-aangat sa kalidad ng pagtuturo at pagkatuto sa Filipinas.

Ang biglaang pagbaba sa puwesto ni Inday Sara ay hindi makatutulong sa transition para sa implementasyon ng bagong curriculum, pero hindi naman ito mangangahulugang dapat nang ihinto o ipagpaliban ang mga repormang ito.

Ang maganda naman dito, ang Presidente, ang Executive Secretary, ang First Lady, o sinomang pipili ng susunod na kalihim ng DepEd ay mayroong pambihirang oportunidad na magtalaga ng isang tunay na alagad ng edukasyon na mayroong pangarap at mahusay sa pangangasiwa upang maisakatuparan ang mga kinakailangang reporma.

         Sana naman, ang susunod na appointee ay hindi pipiliin sa anggulong politikal upang ang mga polisiya ng DepEd ay seryosong maipatupad at malaya mula sa manipulasyong partisan. Panahon na para isang propesyonal, hindi isang politiko, ang maggabay sa ating mga anak patungo sa de-kalidad na edukasyon.

Bigyan ng promotion ‘yan!

Noong nakaraang linggo, napabilib ang social media sa katapatan ni Rosalinda Celero, ang naglilinis sa Ninoy Aquino International Airport (NAIA) Terminal 3, na nagsauli ng sangkatutak na cash na natagpuan niya mula sa isang gamit nang pares ng medyas.

Walang pagdadalawang-isip na isinuko ni Celero ang pera — may kabuuang $18,800 — sa lost and found section. Binabati natin si Celero sa kanyang integridad; at sa pagpapamalas ng katapatan, dalawang katangian na parehong pambihira at kahanga-hanga.

Ito ang klase ng ugali na karapat-dapat parangalan at gantimpalaan. Dapat na mai-promote bilang supervisor, kung hindi man sa mas mataas pang posisyon.

Ang kanyang ginawa ay isang nagniningning na halimbawa sa kanyang mga kasamahan sa trabaho, at kabaliktaran ng korupsiyon na salot sa ating gobyerno. Panahon nang pag-isipang mabuti kung sino-sino ang mga iaangat sa pinakamatataas na posisyon. Silang gumagawa ng mabuti, may nakatingin man o wala, ang tunay na karapat-dapat sa leadership roles.

*         *         *

SHORT BURSTS. Para sa mga komento o reaksiyon, mag-email sa [email protected] o mag-post sa @Side_View sa X app (dating Twitter).

About Robert B. Roque, Jr.

Check Also

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …