HATAW! D'yaryo ng Bayan hatawtabloid.com
MA at PA
ni Rommel Placente
PARARANGALAN ng Gawad Dangal Filipino Awards 2024 sina Kathryn Bernardo, Alden Richards, at ang beteranang aktres na si Eva Darren.
Ang Gawad Dangal Filipino Awards 2024 ay taunang pagkilala sa mga personalidad na nakapag-ambag at nakapagpakita ng husay sa iba’t ibang larangan na siyang nakaimpluwensiya sa kultura, tradisyon, at lipunan ng Pilipinas.
Sina Kathryn at Alden ay tatanggap ng award bilang Most Outstanding Loveteam of the Year.
Ito ang pangalawang pagkilala sa kanilang tambalang KathDen, matapos silang parangalan din sa 52nd Box Office Entertainment Awards ng Guillermo Mendoza Memorial Scholarship Foundation (GMMSF) bilang Box Office King and Queen.
Habang si Eva naman ang kinilala sa Gawad Dangal Filipino Awards 2024 bilang Most Empowered Veteran Actress of the Year.
Ang ilan pa sa mga pararangalan ay sina Maricel Soriano bilang Best Actress para sa pelikulang In His Mother’s Eyes, Piolo Pascual (Mallari) at Roderick Paulate (In His Mother’s Eyes na gumanap silang magkapatid ni Maricel.
Ang mag-asawang Marian Rivera at Dindong Dantes naman ay tatanggap ng award bilang Box-Office King and Queen dahil sa pagiging blockbuster ng pelikula nilang Rewind na ipinalabas last year sa Metro Manila Film Festival (MMFF).
Ang Gawad Dangal Filipino Awards ay gaganapin sa June 19 sa Sequoia Hotel Manila Bay.
Ang aming kaibigan, ang award winning actor at director na si Romm Burlat ang presidente ng Gawad Dangal Filipino Awards.
