Ogie sa ‘di pagsasabit ng money garland sa anak: ayokong mag-grandstanding

MA at PA
ni Rommel Placente

ANG maganda at matalinong anak ng aming kaibigang si Ogie Diaz na si Georgina ay nagtapos na ng elementarya.

Sa larawang ipinost ni Ogie sa kanyang FB account kasama si George, at ang mommy nito na si Georgette, makikita ang sobrang pagka-proud parents dahil sa citations na natanggap ng anak.

Pero hindi ito sinabitan ni Ogie ng money garland na gaya ng ginagawa ng ibang mga magulang sa pagtatapos ng kanilang mga anak.

Ang post ni Ogie sa kanyang FB account, “Georgina, anak, congratulations! Senior High School ka na! 

“Gusto sana kitang sabitan ng money garland kasi yun ang uso ngayon at yun ang naba-viral, pero pinili kong wag na.  

“Unang-una, ang mental health mo ang concern ko.  Ayokong mag-grandstanding ang daddy mo. Kaya ko namang magpagawa ng maraming ganyan hanggang sa matabunan na ng pera ang mukha mo, pero ayaw kong pagtinginan ka ng mga kaklase mo at gusto kitang bigyan ng kahihiyan kahit hindi mo hingin. Ikaw naman ang iniisip ko, hindi ang kayabangan ko. 

“Ayokong gawin yong money garland viral, tapos, makikita ko lang na mapakla ang ngiti mo kasi hiyang-hiya ka sa pagpapapapansin ng daddy mo na gusto lang ma-viral. 

“Gusto kong makita sa mukha mo ang sincere na ngiti. Habang proud parents lang kami ng mama mo.

“Yun lang naka-graduate ka ay sapat na. At moment mo yan, hindi namin yan aagawin sa ‘yo,” aniya pa.