Saturday , June 15 2024
Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito rin ang bagong tanggapan na magsisilbi sa bagong Manila’s Finest Retirees Association, Inc. (MFRAI).

Inihayag ito sa isinagawang seremonya ng pagbabasbas bilang hudyat ng pagbubukas ng nasabing bahagi ng MPD UN Headquarters sa  United Nations Avenue, Ermita, Maynila.

Ang pagtitipon ay pinangunahan ng bagong halal na pangulo na si ret. P/Major Bonifacio V. Aporo kasama si dating MPD District Director Pedro Bulaong  at si 5th District Representative Irwin Tieng bilang panauhing pandangal.

Ang nasabing bahagi ng gusali ng MFRAI ay ipinangalan kay congressman Tieng na nagkaloob ng buong suporta para sa renbasyon at pagpapaunlad ng ng nasabing pasilidad.

Sinabi ni Aporo, dahil bago lang siya sa organisasyon ng mga retirado, nanawagan siya sa mga dating opisyal at hindi mga opisyal na magpalista at i-enjoy ang mga pribilehiyo na malapit nang maging  available para sa mga miyembro.

Ang mga banepisyo, ayon kay Aporo ay kinabibilangan ng free medical help, free medicines, hospitalization, at maging paglilibingan o burial place.

Para kay Cong. Tieng, sinabi niyang patuloy siyang susuporta sa mga nasabing retiradong  pulis sa MPD sa pamamagitan ng kanyang mga outreach program.

“Mula po noong bata ako marami nang naitulong sa pamilya namin ang MPD lalo na nga nang nasunugan kami at hindi nila kami pinabayaan kasi po ang negosyo ng pamilya namin noong nasunugan po ang aming warehouse ay mga kitchenwares at dahil po binantayan nila iyong lugar ay walang nakapasok na magnanakaw at mula noon naging malapit na kami sa mga MPD police,” pagbabalik-tanaw ng mambabatas.

Sa bahagi ni dating MPD Director (ret) P/Gen Pedro Bulaong, tanging papuri at pasasalamat ang maibibigay niya kay Tieng sa pagtataguyod ng Senior Citizen Bill at marami pang iba.

“Sana po Cong. Irwin balang araw lumawak ang serbisyo mo hindi lang sa 5th district kundi sa buong Maynila,” pahayag ni Bulaong. (BONG SON)

About Bong Son

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

TMFF The Manila Film Festival 2024

Tabing ng TMFF ‘24 ibinaba na pelikulang “Three for 100” kinilalang Best Film

PORMAL nang ibinaba ang tabing ng “The Manila Film Festival 2024” noong Martes ng gabi …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …