Wednesday , May 22 2024
Taguig

Kapitanang inireklamong ‘nambastos’ ng kabataan, isinumbong sa Taguig mayor

UMAPELA sa mga kinauukulan ang ilang residente ng East Rembo, Taguig City kay Mayor Lani Cayetano para silipin at imbestigahan ang sinabing walang habas na pagmumura at paninigaw ng isang kapitana ng barangay sa mga kabataan, kamakalawa ng gabi sa Brgy. East Rembo.

Ayon sa mga residente, dumating ang kapitana sakay ng kanyang sasakyan at nadaanan ang mga kabataan sa tapat ng kanilang bahay.

Bumaba ang kapitana at sinita umano ang mga kabataan imbes pakiusapan nang maayos ay pinalalayas, pinagsisigawan, at pinagmumura sila kasama ng kanyang asawa at anak na lalaki, na sinabing nagawa pang sugurin ang mga kabataan habang pilit na inaawat.

Ayon sa mga residente, naniniwala silang pang-aabuso ito dahil pati ang kanyang posisyon bilang kapitana ay ipinagsisigawan at ipinagmamalaki pa.

Puna ng ilang residente, ‘nagde-demand’ umano si kapitana ng respeto pero hindi niya maibigay sa kanyang constituents katapat nito.

Hiling ng mga residente, lalo ng mga nasaktang kabataan, na sana’y maging mabuting public servant si kapitana.

Dahil sa inasal umano ng kapitana, naikomentong ganyang talaga umasta ang mga alagad ng kanilang dating alkalde — siga.

Nanawagan ang mga nasaktang partido sa Department of the Interior and Local Government (DILG), Tulfo in Action, DILG  National Capital Region, at kay Chairman Benhur Abalos upang aksiyonan ang nasabing ng public servant.

Sa pamamagitan ng video na ini-upload ng isang Mike sa kanyang Facebook account mula sa anonymous sender, nanawagan kay Mayor Lani Cayetano na tingnan ang reklamo ng mga bagong residente ng Taguig na natatakot na dahil sa asta ng nasabing kapitana.

Sa panig ng kapitana, sinabi niyang dapat iniresepeto siya at nakinig sa kanya ang mga menor de edad nang papasukin niya sa kani-kanilang bahay.

Inamin niyang siya ang unang bumaba sa sasakyan at unang ‘sumugod’ sa mga menor de edad na nasa kalsada at hindi ang kanyang mister. (BS)

About Bong Son

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …