Monday , May 27 2024
Gun Fire

Tireman binoga ng ‘di nasiyahang rider/customer

KRITIKAL ang lagay ng isang isang tireman matapos pagbabarilin ng isa sa dalawang hindi kilalang suspek na sakay ng isang motorsiklo sa Valenzuela City, kamakalawa ng gabi.

Inoobserbahan sa Valenzuela Medical Center (VMC) sanhi ng mga tama ng bala sa kaliwang bahagi ng katawan ang biktimang si Jeroen Jimenez, 32 anyos, stay-in sa Nitudas vulcanizing shop na matatagpuan sa  Brgy. Ugong ng nasabing lungsod.

Sa nakarating na ulat kay Valenzuela City police chief P/Col. Salvador Destura, Jr., naganap ang insidente ng pamamaril dakong 9:40 pm sa harap ng nasabing vulcanizing shop.

Batay sa pahayag sa pulisya ng mga saksi, isang hindi kilalang rider ang dumating sa naturang vulcanizing shop para ipaayos ang flat na gulong ng kanyang motorsiklo at kinausap nito ang biktima ngunit abala sa paglalaro sa cellphone kaya ang kanyang helper ang nag-ayos ng gulong.

Pero bumalik ang rider saka kinompronta ang biktima nang muling ma-flat ang gulong ng kanyang motor na naging dahilan upang mauwi sa mainitang pagtatalo kaya sinabhin ni Jimenez ang kasama niya na ibalik ang ibinayad ng rider na itinulak palayo ang motorsiklo patungong Caybiga, Caloocan City.

Makalipas ang mahigit isang oras, dalawang lalaking magkaangkas sa motorsiklo kapwa nakasuot ng itim na long sleeves at itim na helmet ang dumating na sumisigaw ang back rider ng katagang “Pu…. Mo huwag ganyan!”

Kasunod nito ay pinagbabaril ang biktima na nakaupo sa harap ng shop bago mabilis na tumakas patungong Mindanao Avenue, Quezon City.

Nagsasagawa ng follow-up investigation ang pulisya para sa posibleng pagkakakilanlan para maaresto ang mga suspek habang nagsasagawa ng backtracking sa mga CCTV footage sa lugar na maaaring makatulong sa imbestigasyon. (ROMMEL SALES)

About Rommel Sales

Check Also

Apostle Arsenio Ferriol

4th Watch nagluksa sa pagpanaw ng founder na si Apostle Arcenio Ferriol

NAGLUKSA ang buong Pentecostal Missionary Church of Christ (4th Watch) sa pagpanaw ng kanilang founder …

Senador Alan at Pia nagbigay ng tulong sa 2,000 Batangueño

Senador Alan at Pia nagbigay ng tulong sa 2,000 Batangueño

UMABOT sa 2,000 Batangueño ang nakatanggap ng tulong mula sa mga opisina nina Senador Alan …

Lito Lapid agri-tourism

Pagpapalago ng agri-tourism, isusulong ni Sen. Lito Lapid

INAARAL ngayon ni Senador Lito Lapid ang pagpapaunlad ng Agri-tourism sa bansa. Kasunod ito ng …

Bong Revilla Jr Bryan Revilla

Sen. Revilla, Agimat Partylist saludo sa volunteer groups na handang magsakripisyo sa bayan

INIHAYAG ni Agimat Partylist Rep. Brian Revilla at maging ang tanggapan ng kanyang ama na …

Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito …