Wednesday , April 17 2024
Malolos-Bocaue SCR Phase 1 Viaduct

Malolos-Bocaue SCR Phase 1 Viaduct tapos na

KOMPLETO na ang napakalaking North-South Commuter Railway (NSCR) viaduct.

Ang 14-kilometrong natapos na bahagi ng viaduct ay tumatawid mula sa mga bagong itinayong railway turnouts sa harap ng Bulacan State University (BulSU)-Malolos campus.

Ani Department of Transportation (DOTr) Assistant Secretary for Railways Jorgette Aquino, ang milestone ay bilang tugon sa marching order ng direktiba ni Pangulong Ferdinand Marcos, Jr., na pabilisin ang big-ticket at high-impact railway projects.

Ang paglalagay ng mga gawa-gawang viaduct sa Malolos Crossing, Fausta Road, San Pablo Road, First Bulacan Industrial City, Tabang Bridge na tumatawid sa Manila North Road sa Guiguinto, Balagtas-Pandi Road at Bocaue-Santa Maria Road ay tinatapos na sa Bypass Road sa Bocaue Section.

Puspusan ang konstruksiyon ng NSCR Viaduct mula Bocaue hanggang Meycauayan City. Target ng DOTr na matapos ang viaduct hanggang sa depot nito na nasa pagitan ng Meycauayan City at Valenzuela City sa pagtatapos ng 2024.

Ang natitirang bahagi ng viaduct mula sa tabing-ilog ng Marilao-Meycauayan-Obando River System patungo sa paligid ng SM City Marilao ay nakatakdang ilunsad sa Abril 2024.

Ang estasyon ng NSCR Marilao ay matatagpuan sa tabi ng isang intermodal transport terminal na itatayo ng nasabing mall.

Sa kasalukuyan, nasa 37.30% ang construction progress ng NSCR Phase 1 o ang Tutuban-Malolos segment. Ang NSCR Phase 2 o ang Malolos to Clark International Airport (Terminal 2) ay nasa 25.76%. Habang ang drilling at pilling para sa pundasyon ng NSCR-South Commuter Line ay nagsisimula na sa Sta. Rosa City, Laguna.

Dagdag ni Aquino, target ng DOTr na maging partially operational ang NSCR Phase 1 mula Valenzuela hanggang Malolos pagsapit ng 2027.

Ang 147-kilometrong NSCR System ay ang pinakamalaki at pinakamahabang proyekto ng riles na tinatapos ng kasalukuyang administrasyon sa ilalim ng Build-Better More Infrastructure Program nito. Binagtas nito ang lumang ruta ng Philippine National Railways (PNR) mula Clark International Airport Terminal 2 sa Pampanga hanggang Calamba City, Laguna.

Kapag nakompleto hanggang 2029, babawasan ng NSCR System ang oras ng paglalakbay sa pagitan ng Clark at Calamba mula sa kasalukuyang apat na oras sa pamamagitan ng lupa hanggang sa dalawang oras sa pamamagitan ng tren.

Sa datos na nakuha mula sa DOTr ay nagpakita na ang proyekto ng NSCR System ay tinatayang nasa P873.6 bilyon. Naglaan ang Japan International Cooperation Agency (JICA) ng P369.27 bilyon para sa pagpapaunlad ng bansa.

Ang natitirang P174.7 bilyon ay binabalikat ng gobyerno ng Filipinas sa pamamagitan ng taunang pambansang badyet nito.

Ang pondo mula sa JICA at ADB ay sumasaklaw sa pagtatayo ng mga viaduct, pag-install ng mga riles ng tren at electro-mechanical ang 304 rolling stocks.

Ito ay katumbas ng 38 set ng tren na may tig-walong railcar para sa mga commuter train ng NSCR mula sa Japan

Kamakailan, iginawad ng DOTr ang P9 bilyong kontrata para sa 56 rolling stocks o katumbas ng pitong set ng tren na gagamitin para sa mga express train ng NSCR.

Samantala, pinaplano ng DOTr na i-interlink ang NSCR Sytem sa PNR South Long Haul Project. Nariyan din ang panukalang PNR North Long Haul Project na magpapalawig sa NSCR hanggang sa hilagang Luzon. (MICKA BAUTISTA)

About Micka Bautista

Check Also

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

041624 Hataw Frontpage

Sa Batangas
P13.3-B SHABU NASABATDRIVER DI-LISENSIYADO
Promotion iginawad sa hepe ng pulisya

ni RODERICK PALATINO KAMPANTENG ibiniyaheng isang 47-anyos driver ng van kahit walang lisensiya sa pagmamaneho …

Bulacan Police PNP

2 durugista, 6 wanted, swak sa hoyo

Dalawang durugista at anim na wanted na mga kriminal ang sunod-sunod na inaresto ng pulisya …

PRO 4A handa at alerto para sa 2-Day Transport Strike

PRO 4A handa at alerto para sa 2-Day Transport Strike

Camp BGen Vicente P Lim – Nakahanda at asahang mapagbantay ang Police Regional Office CALABARZON, …

Sa 2 buybust operations sa Laguna P.5-M SHABU KOMPISKADO, 4 TULAK ARESTADO

Sa 2 buybust operations sa Laguna  
P.5-M SHABU KOMPISKADO, 4 TULAK ARESTADO

Kampo Heneral Paciano Rizal – Arestado ang apat na drug personalities sa magkahiwalay na anti-illegal …