Thursday , February 13 2025
Phoebe Walker The Buy Bust Queen

Phoebe Walker, tiniyak na isang astig na hard action movie ang The Buy Bust Queen

ALAM MO NA!
ni Nonie Nicasio

MATINDING training ang pinagdaanan ni Phoebe Walker sa pinagbibidahang pelikula titled The Buy Bust Queen. Kaya naman excited na siya sa pagpapalabas nito sa mga sinehan.

Kuwento ng aktres, “Nag-gun handling po kami bago ang shoot, pati mga formation kung paano pumapasok sa target location and how we cover each other’s back. Kasama po naming mga artista talaga ay mga totoong PDEA agents, kaya very legitimate yung movements namin as a unit.”

Ano ang reaction niya na ipalalabas na sa mga sinehan ang kanilang pelikula?

Pahayag ni Phoebe, “Happy and curious, kasi ibang edit ng pelikula ang mapapanood sa February 28. We already had a premiere a few years ago, so the version we’ll see now is different.”

Nagbida na rin sa action movie si Phoebe titled Double Barrel, pero iba naman ang mapapanood sa kanya sa pelikulang ito.

“Yes I play the titular role, first time. Pero not first time lead. We had fun sa shooting, malayo rin po ang shoot sa Mountain Province, sponsored by PDEA.

“Sila rin mismo ang kasama namin sa mga action scenes, kaya nakakadagdag ng power.”

Sumabak nga sa matinding action dito ang aktres, kaya tiniyak niyang astig na hard action ang mapapanood sa kanilang pelikula.

Esplika ni Phoebe, “Yes more on military training… So, expect a lot of hard action, and hopefully yung story ng The Buy Bust Queen ma-appreciate nila, since she is a real life person.”

Dagdag pa niya, “Main part ako ng story, halos all the scenes kasali ako, nakakapagod pero sobrang fulfilling talaga siya.

“Hard action ang makikita rito, meaning, barilan, habulan, all geared-up kami and totoong mga rifle ang gamit namin, kaya tumatakbo kaming more or less 10kg ang bitbit.

“Pero perspective ko kasi, ako ang nakikisama sa PDEA, privilege ko ‘yun na ma-experience ang ginagawa nila araw-araw. Nakakabilib po,” bulalas pa ni Phoebe.

Aniya pa, “Abangan nyo po itong aming pelikula dahil ito ay punong-puno ng aksiyon at aral.”

Isa ba itong advocacy movie sa campaign ng PDEA kontra droga?

Sagot ng magandang aktres, “Yes po, in partnership with PDEA, lalabas din sa movie si PDEA DIR GEN Wilkins Villanueva. Ipapakita po rito kung paano nagke-carry out ng operation ang PDEA at ano ang core values ng agency.

“Siyempre, may love story din sa gitna po nitong movie,” nakangiting wika niya.

Sino ang love interest niya rito? “Ang love interests po sina Ervic Vijandre and Alex Medina, ‘Ika-nga may pag-ibig sa PDEA, hahaha!” Nakatawang bulalas pa niya.

Bukod kay Phoebe, tampok din sa The Buy Bust Queen sina Ritz Azul, Maxine Medina, Ervic Vijandre, Alex Medina, Jeric Raval, Jeffrey Santos, Christian Vasquez, Dindo Arroyo, Ricardo Cepeda, Ayeesha Cervantes, at iba pa.

Ito ay mula sa pamamahala ni Direk JR Olinares at mapapanood na sa mga sinehan sa February 28.

About Nonie Nicasio

Check Also

Liza Soberano, Enrique Gil, Lizquen

Liza kinompirma teleserye nila ni Enrique

MA at PAni Rommel Placente TIYAK na matutuwa ang mga tagahanga nina Liza Soberano at Enrique Gil na kilala …

Pernilla Sjoö Philmar Alipayo Andi Eigenmann

Pernilla Sjoo sa isyung 3rd party kina Andi-Philmar: I’m still human, I feel hurt, it cut’s deep

MA at PAni Rommel Placente UMALMA  at nagsalita na ang Swedish girl bestfriend ni Philmar Alipayo na …

Miguel Vera, original drag queens, Rdee Asadon magsasama-sama ngayong Araw ng mga Puso sa Music Box

Miguel Vera, original drag queens, Rdee Asadon magsasama-sama ngayong Araw ng mga Puso sa Music Box

HARD TALKni Pilar Mateo MUNISIPALIDAD sa bayan ng Iloilo ang Dingle.  Roon pala nagmula ang …

50th Santacruzan Binangonan

50th anniversary ng Santacruzan sa Binangonan pinaghahandaan na!

ALAM MO NA!ni Nonie Nicasio NAGPULONG ang mga pangunahing komite ng nalalapit na 50th anniversary …

MTRCB

Apat na pelikulang may angkop na klasipikasyon, swak para sa kabataan at pamilyang Filipino

ALAM MO NA!ni Nonie Nicasio TIYAK na ikatutuwa ng pamilyang Filipino na panoorin ang apat …