Thursday , February 29 2024
Joy Belmonte Vendor business school QC

Vendor business school para sa QC vendors inilunsad

INILUNSAD kahapon ng Quezon City Government ang Vendor Business School (VBS) para sa 140 market vendors katuwang ang Consultative Group for International Agricultural Research (CGIAR) Resilient Cities Project. 

Sa bansa, tanging ang lungsod sa at Nairobi sa Kenya ang kasama sa pagpapatupad ng programang ito sa buong mundo.

Bahagi ang VBS ng Resilient Cities Project for Sustainable Food Systems na nilagdaan ni Mayor Joy Belmonte at Market Development and Administration Department (MDAD) Officer-in-Charge Ma. Margarita Santos, katuwang ang CGIAR Resilient Cities na pinamunuan naman ni Dr. Simon Heck. 

Ang CGIAR ay isang international research group na may layuning palakasin at pagbutihin ang estado ng daloy ng pagkain o food systems sa mga malalaking siyudad sa buong mundo tulad ng Quezon City para makamit ang food security.

Layunin ng VBS na paigtingin ang kakayahan ng mga vendor ng lungsod sa larangan ng entrepreneurship, pagnenegosyo, food safety, market technology, climate change, at pati na rin sa nutrisyon. Sasabak sila sa sampung (10) weekly training workshops at limang (5) buwang coaching at mentoring. 

Ituturo sa mga vendor kung paano magnegosyo na hindi lang magpalago ng kita ang layunin. Ibabahagi rin sa kanila ang mga kaalaman gaya ng epekto ng klima sa kanilang negosyo, pagtiyak na ligtas kainin ang kanilang paninda, at nutritional benefits ng mga pagkain. Mahalaga din ang pagkilala sa pamilya, kabilang ang mga relasyon sa kasarian, na maaaring makabuluhang makaapekto sa kanilang negosyo, at marami pang iba.

Sa tulong ng mga dagdag-kaalaman na ito, inaasahan ang mas magandang pamamalakad ng ating mga palengke at talipapa sa Quezon City.  

“Bukod sa digital improvements katulad ng Market One Stop Shop (MOSS) at PalengQR programs na nagpapaganda sa pamamalakad sa mga palengke, layunin din ng MDAD sa pamamagitan ng VBS na maiangat ang antas ng pagnenegosyo ng mga vendor o tindero at tindera,” ayon kay  Business Permits and Licensing Department Head at concurrent OIC ng Market Development Administration Department  (MDAD), Margarita Santos.

Dumaan sa masusing training of facilitators sa tulong ng CGIAR ang pilot team ng QC mula sa Market Development Administration Department (MDAD), Small Business Cooperative Development and Promotions Office (SBCDPO), at Quezon City Food Security Task Force (QC FSTF) secretariat.  Sila ang magsisilbing mga gabay ng market vendors.  

“Ang Vendor Business School ay nagbibigay halaga sa estado at kapakanan ng ating mga market vendors na may mahalagang papel na ginagampanan sa pagsasaayos ng ating public markets at pagdaloy ng pagkain sa ating lungsod. Layunin din ng VBS na mapalago ang kanilang mga negosyo, at makibahagi sila sa pangmatagalang layunin ng Quezon City na makamit ang food security,” ayon kay Mayor Joy Belmonte. 

Magsisimula ang puspusang workshops ng mga market vendors ngayong Pebrero at ang coaching at mentoring ay magtatagal hanggang sa kanilang graduation sa July 2024. 

Bilang insentibo sa kanilang pagkumpleto ng buong VBS Program, magiging kwalipikado ang mga vendor sa PangkabuhayangQC Program sa ilalim ng SBCDPO. 

Isa itong small business grant na nagkakahalaga ng Php10,000-P20,000 para makatulong sa kanilang mga negosyo.

Ang VBS ay bunga ng pagiging miyembro ng Quezon City ng Milan Urban Food Policy Pact (MUFPP), o grupo ng mga lungsod na nagsusulong ng pagpapabuti ng food systems sa mundo para mawakasan ang kagutuman. 

Ang VBS ay bahagi rin ng GrowQC Food Security program ni Mayor Joy Belmonte. 

Para sa dagdag na kaalaman tungkol sa GrowQC food security initiative maaring sumulat sa [email protected]

Nakibahagi din sa soft launching sina Vice Mayor Gian Sotto, City Administrator Mike Alimurung, Nonong Velasco na siyang Co-Chairperson ng  QC Food Security Task Force, Mona Yap, Head, Small Business Cooperatives Development and Promotions Office, Andrea Villaroman, Head, Climate Change and Environmental Sustainability Department, Tina Perez, Head, Joy of Urban Farming, mga miyembro ng Quezon City Food Security at sina Arma Bertuso, CGIAR Resilient Cities Focal Person-Philippines. (ALMAR DANGUILAN)

About Almar Danguilan

Check Also

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …