Tuesday , February 27 2024
PNP QCPD

3 wanted arestado ng QCPD

BUNGA ng pinaigting na kampanya ng Quezon City Police District (QCPD) laban sa mga  most wanted person, tatlong katao ang naaresto sa bisa ng warrant of arrest.

Sa ulat kay QCPD Director, PBGEN Redrico A Maranan ang tatlong naaresto ay kabilang sa talaan na Station Level Most Wanted Persons ng pulisya.

Ayon kay QCPD Talipapa Police Station (PS 3) Station Commander PLTCOL Morgan Aguilar, nadakip ng kanyang mga operatiba ang maituturing No. 8 at No. 9 Most Wanted Persons sa talaan ng kanilang istasyon. Kinilala ang dalawa na sina Leonardo Manao Dela Cruz, 30, at Rosalyn Garcia Demillo, 34, kapwa residente ng Brgy. Baesa, Quezon City.

Ang dalawa ay nadakip dakong 8:00 PM at 8:30 PM nitong Pebrero 7, 2024 sa Dominga Village, Brgy. Baesa, Quezon City at sa Roosevelt Ave., Brgy. San Antonio, Quezon City.

Ayon kay Aguilar, ang dalawa ay may pending warrant of arrest para sa kasong  Robbery na inilabas ni Hon. Zita Marie Magunday Atienza Fajardo ng Branch 224, Regional Trial Court (RTC), Quezon City.

Samantala, nasakote naman ang ika-5 most wanted person sa talaan ng  Anonas Police Station 9.

Kinilala ni Anonas Police Station (PS 9) station Commander PLTCOL Ferdinand Casiano ang nadakip na si Kevin Flor, 29, residente ng Brgy. Pansol Quezon City. Siya ay dinakip bandang 4:30 PM, Pebrero 7, 2024 sa Sitio 5, Brgy. Bagong Bayan, Sta Cruz, Laguna.

Si Flor ay may pending Warrant of Arrest sa paglabag sa R.A. 9165 (Comprehensive Dangerous Drugs Act of 2002) na inisyu ni Hon. Judge Felino Zabala Elefante ng Branch 103, RTC, Quezon City.

“Walang sinuman ang maaaring makatakas sa mahabang kamay ng batas. Kung kaya’t sisikapin nating dakpin at panagutin ang iba pang mga wanted persons sa lalong madaling panahon. Malaking bagay ang unti unting pagkakahuli ng mga wanted persons na ito na involved sa robbery at umaasa tayo na mababawasan na ang serye ng nakawan sa ating lungsod,” pahayag ni Maranan. (ALMAR DANGUILAN)

About Almar Danguilan

Check Also

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …