Sunday , February 25 2024
Engkuwentro sa Meycauayan 3 patay Isa pa sa Norzagaray arestado sa pagpapaputok ng baril

Engkuwentro sa Meycauayan, 3 patay;  Isa pa sa Norzagaray arestado sa pagpapaputok ng baril

DALAWANG lalaking nakamotorsiklo ang napatay sa armadong engkuwentro sa mga awtoridad matapos na ang mga ito ay unang pagbabarilin ang nakabantay na tanod sa barangay hall ng Bahay Pare, Meycauayan City, Bulacan kamakalawa ng gabi.

Sa ulat na isinumite kay PColonel Relly B. Arnedo, provincial director ng Bulacan PPO, nakasaad na agad na tumugon ang Mecauayan CPS nang makatanggap ng ulat sa pamamagitan ng tawag sa telepono mula sa Brgy. Bahay Pare, Meycauayan City, hinggil sa insidente ng pamamaril.

Binanggit sa ulat na ang mga suspek ay walang habas na nagpaputok ng baril sa barangay hall ng Bahay Pare kung saan nasapol ng bala ang bantay na tanod  dakong alas-8:12 ng gabi.

Pagdating sa lugar ng mga rumispondeng tauhan ng Meycauauan CPS ay una silang pinaulanan ng bala ng mga suspek na humantong sa armadong engkuwentro.

Ang barilan ay nagresulta sa pagkamatay ng dalawang suspek na kapuwa armado ng kalibre .45 habang walang nasawi sa panig ng kapulisan, samantalang dalawang biktima na tinamaan ng bala ang agad na isinugod sa pinakamalapit na pagamutan subalit nasawi ang barangay tanod na unang pinuntirya ng mga nakamotorsiklo.

Kasalukuyan pang inaalam ng mga awtoridad ang pagkakakilanlan ng mga napatay na suspek gayundin ang motibo sa kanilang isinagawang krimen.

Samantala, sa Norzagaray, isang 18-anyos na lalaking suspek na residente Brgy. Bagong Pagasa, Quezon City, ang dinakip din ng mga rumespondeng tauhan ng Norzagaray MPS dahil sa mga krimeng Alarms and Scandal at R.A. 10591 kaugnay sa tinanggap na tawag sa telepono mula sa testigo.

Napag-alamang walang humpay sa pagpapaputok ng baril ang suspek habang sumisigaw na may panunuya at naghahamon ng away sa mga tao sa kalsada.

Nakumpiska sa suspek ang isang cal. 38 Armscor na may serial number na 814148 na kargado ng isang bala at isang fired cartridge case.

Inihahanda na ng mga awtoridad ang kaukulang reklamong kriminal para sa pagsasampa sa korte laban sa naarestong suspek na ngayon ay nasa custodial facility ng Norzagaray MPS.

Kaugnay nito ay tiniyak ng Bulacan PNP sa publiko na sila ay protektado laban sa mga grupo o indibidwal na nagpapataas ng takot at karahasan sa loob ng ating komunidad. (MICKA BAUTISTA)

About Micka Bautista

Check Also

Krystall herbal products

Asthmatic na businesswoman pinaginhawa ng Krystall products,

Back to BasicNATURE’S HEALINGni Fely Guy Ong Dear Sis Fely Guy Ong, Magandang araw po …

Mr DIY Feat

Connecting Hearts through MR.DIY Acts Of Kindness
A 3-leg CSR Milestone Celebration in Panglao Bohol

Volunteers took part in planting mangrove seedlings along Doljo’s Coastal area, marking the initial phase …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

SM, DOTr, break ground for EDSA Busway

SM, DOTr, break ground for EDSA Busway concourse
Commuters to have safer, more convenient transportation

SM Prime Holdings Inc., in partnership with the Department of Transportation (DOTr), led the groundbreaking …