Pampanga mayor 30 araw kalaboso

IPINAG-UTOS ng House Committee on Dangerous Drugs kahapon, 15 Nobyembre, ang detensiyon kay dating Mexico, Pampanga Mayor Teddy Tumang ng 30 araw matapos ma-contempt dahil sa paglabag sa mga panuntunan ng panel.

Si Tumang, ibinandera ng komite, dahil sa umano’y paglabas ng mga detalye ng isang executive session na idinaos kaugnay sa imbestigasyon ng panel sa ilegal na droga.

Ang mga executive session ay karaniwang hindi nilalayong talakayin sa publiko. “To be consistent and fair with the others who were also cited for contempt for similar violations of our rules, may I move that we [rin] cite former Mayor Tumang for contempt,” ani Antipolo Rep. Romeo Acop sa pagdinig.

Inaprobahan ng chairman ng komite na si Robert Ace Barbers ang mosyon at si Tumang ay ikukulong sa lugar ng House of Representatives. (MICKA BAUTISTA)