Thursday , November 30 2023
Arrest Posas Handcuff

Bala ibabayad sa beerhouse, kelot tiklo sa boga

DINAKIP ng mga awtoridad ang isang lalaki matapos ipagyabang ang bitbit na baril sa isang beerhouse sa bayan ng Bocaue, sa lalawigan ng Bulacan, nitong Sabado ng umaga, 14 Oktubre.

Sa ulat na ipinadala ng Bocaue MPS kay P/Col. Relly Arnedo, Provincial Director ng Bulacan PPO, nabatid na residente ng Brgy. Macatmon, Cabanatuan, Nueva Ecija ang inarestong 34-anyos suspek.

Napag-alamang naganap ang insidente dakong 1:25 am kamakalawa sa Niel Restobar na matatagpuan sa McArthur Highway, Brgy. Lolomboy, sa nabanggit na bayan.

Nabatid sa imbestigasyon ng Bocaue MPS, ipinagbigay-alam ng may-ari ng nasabing bar sa mga operatiba na nagpapatrol sa lugar na isa sa kanilang mga kostumer ay naglabas ng baril mula sa kanyang sling bag at inilapag ito sa mesa.

Sinasabing tila ayaw magbayad ng nasabing kustomer at tinatakot ang may-ari ng beerhouse sa pamamagitan ng pagpapakita ng baril.

Sa takot ng may-ari na magpaulan ng bala ang suspek ay agad siyang humingi ng saklolo sa nagdaraang police patrol na nagresulta sa pagkaaresto ng huli.

Nakompiska ng mga nagrespondeng pulis mula sa suspek ang isang Armscor cal. 9mm pistol at isang magasin na kargado ng pitong bala.

Kasalukuyang nasa kustodiya ng Bocaue MPS ang suspek at nahaharap sa mga kasong paglabag sa RA 10591 o Ilegal possession of Firearms and Ammunitions at Omnibus Election Code o Gun Ban. (MICKA BAUTISTA)

About Micka Bautista

Check Also

P1.8-M ilegal na droga nakompiska sa 2 araw na anti-drug ops sa CL

P1.8-M ilegal na droga nakompiska sa 2 araw na anti-drug ops sa CL

SA MAAGAP at walang humpay na pagsisikap na labanan ang mga aktibidad ng ilegal na …

Bulacan Police PNP

Mga durugista at nagtatagong kriminal sa Bulacan arestado

PITONG durugista na nagbebenta rin ng droga, at tatlong kriminal na nagtatago sa batas ang …

dead gun police

63-anyos Taiwanese binaril, patay

SAN PABLO CPS – IsangTaiwanese ang iniulat na binaril at napaslang sa San Pablo City, …

Valenzuela Dump Truck WMD

Vale-LGU nagbigay ng bagong dump truck sa WMD

PINANGUNAHAN ni Mayor Wes Gatchalian ang turnover ceremony at pagbabasbas ng bagong 38 dump trucks …

shabu drug arrest

2 tulak timbog sa P68-K shabu

SWAK sa rehas na bakal ang dalawang hinihinalang drug personalities matapos kumagat sa ikinasang buybust …