HATAW! D'yaryo ng Bayan hatawtabloid.com
MATAPOS ang matagumpay na premiere ng Nag-Aapoy Na Damdamin at Pira-Pirasong Paraiso, masayang pumirma ng eksklusibong kontrata sa ABS-CBN ang homegrown stars na sina Jane Oineza, KD Estrada, at Alexa Ilacad sa ginanap na Keep Shining Kapamilya network contract signing event.
“I know I am in good hands with ABS-CBN, basta sa part ko lang ibibigay ko ang lahat lahat,” ani Jane na nanatiling Kapamilya sa loob ng dalawang dekada.
Nagsimula bilang child star at ngayon ay gumaganap na bida sa Nag-Aapoy Na Damdamin, binalikan ni Jane ang pagsisikap na nagdala sa kanya sa tagumpay na tinatamasa ngayon. “Nakaka-overwhelm but at the same time I know that I’ve put in a lot of hard work so I’m giving myself a pat in the back as well,”aniya.
Mula sa akting, singing, teatro, at ngayon ay mga bida na sa pang-hapong serye na Pira-Pirasong Paraiso, excited sina KD at Alexa, kilala bilang KDLex na ipagpatuloy ang kanilang showbiz career bilang Kapamilya.
Iginiit ni KD ang kanyang loyalty sa network at nagbigay pasasalamat sa solid supporters na patuloy na naniniwala sa kanyang talento.
“Ang pagiging Kapamilya po ay responsibility, para ipakita na we can give quality content, services, and we’re there for everybody. ‘Yung mga solid supporter, and to our ‘sweethearts,’ kung hindi dahil sa inyo, I wouldn’t be in this position right now,” ani KD.
Para naman kay Alexa, masaya at kontento ang kanyang puso sa mga proyekto na natatanggap niya bilang isang singer at aktres.
“I’ve learned a lot of lessons especially since I love what I do. There are no small roles with ABS-CBN because they give us quality shows and quality roles, and I would like to do my part as an actor to show that I deserve what I am given,” sabi naman ni Alexa.
Ibinahagi rin ni Alexa ang kanyang loyalty sa Kapamilya. Aniya, “I literally grew up with ABS-CBN and there’s nowhere else I’d rather be.”
Dumalo sa contract signing sina ABS-CBN Chairman Mark Lopez, ABS-CBN president at CEO Carlo Katigbak, ABS-CBN COO for broadcast Cory Vidanes, ABS-CBN head of TV production at Star Magic head Laurenti Dyogi, at Star Magic managers na sina Cris Tapang at Joy Lomibao.
