RATED R
ni Rommel Gonzales
TATLON taon nang may karamdaman ang anak ni BJ “Tolits” Forbes na si Janella.
“Bale po noong one year old siya bigla na lang nagkaroon ng seizures, tapos dahil sa prolonged seizures niya kahit noong dinala namin kasi siya sa ospital sinaksakan na siya ng anti-seizure, nagtuloy-tuloy pa rin.
“So nawalan ng oxygen ‘yung utak niya kaya since noon nagkaroon siya ng stroke.
“Bale masyadong mahaba ‘yung kuwento, nagpalipat-lipat kami ng ospital, hanggang sa napunta kami sa PCMC (Philippine Children’s Medical Center).”
Apat na taon na ngayon ang anak ni BJ.
“But right now she’s okay, may maintenance na medicines, mayroon therapies and may maliliit na improvements, but it’s still an improvement na ipinagpapasalamat namin sa Diyos,” pahayag ni BJ na noong bata ay sumikat sa That’s My Boy ng Eat Bulaga!
Nasa showbiz pa rin si BJ at cast member ng upcoming family drama film na The Special Gift na mula sa RC Gomez Entertainment Productions na bida ang Kapuso child actor na si Franchesco Maafi kasama ang mga character actors na sina Soliman Cruz, Migui Moreno, at Mike Lloren, ang mga theater-film actresses na sina Malou Canzana, Romina Cauilan, at Ella Sheen, at ang newbie actor Angelo Gomez.
Ang pelikulaay mula sa panulat ni Erick R. Castro, with Mr Roy Gomez as executive producer at sa direksiyon ni Lawrence Roxas na directorial debut for a full length movie.