Wednesday , July 17 2024
ARTA PPA Port Pier Container

ARTA umatras sa ‘anti-smuggling’ ni BBM

BINALIKTAD ng Anti-Red Tape Authority (ARTA) ang naunang  rekomendasyon nito sa Trusted Operator Program – Container Registry and Monitoring System (TOP-CRMS), isang araw matapos magbabala si Pangulong Ferdinand Marcos, Jr., sa kanyang State of the Nation Address (SONA) na bilang na ang mga araw ng mga smuggler at hoarder ng mga produktong pang-agrikultura.

Mistulang biglang tumiklop ang ARTA sa ‘ilang makapangyarihang grupo’ na tumutuligsa kung ano ang maaaring pinakamabisang armas ng administrasyong Marcos laban sa anti-smuggling.

Sa sorpresang memorandum na inilabas nitong nakaraang Martes, 25 Hulyo ni Director General, Sec. Ernesto Perez, sinabi ng ARTA na ang muling pagsusuri nito sa TOP-CRMS regulatory impact statement (RIS) ay hindi nagtatapos sa paghahabol na bawasan ang halaga ng container deposit batay sa benefit-cost analysis na kanilang isinasagawa.

Mababasa sa bahagi ng ulat, ang ‘port congestion’ ay hindi maaaring gamitin ng Philippine Port Authority (PPA) bilang rason para sa interbensiyon ng gobyerno, kasama ang iminungkahing TOP-CRMS.

Idinagdag nito, ang PPA ay hindi maaaring magrason ng ‘congestion’ bilang  batayan upang maitatag ang iminungkahing TOP-CRMS.

Ang pinakabagong ARTA memorandum ay isang kompletong turnaround mula sa pagsusuri nitong 2 Pebrero na nagbigay-daan sa pagpapatupad ng TOP-CRMS at pinayagan ang PPA na ipagpatuloy ang nasuspendeng plano sa modernisasyon.

Binigyan ng ARTA ang programa ng rating na 36, ibig sabihin ay “Good Practice RIS.”

Sinabi ng ARTA sa isang pahayag noong Pebrero pagkatapos nitong tasahin ang programa, nagbigay ang PPA ng maiksi at kasiya-siyang ebidensiya sa lahat ng seksiyon ng RIA, kaya ang RIS ay tinasa bilang ‘Good Practice.’

Ang TOP-CRMS ng PPA ay nakatutugon din sa mga pamantayan ng ARTA para sa cost-saving mechanisms, kabilang ang bayad sa mga container deposits, mga daan sa daungan, at pagpapababa ng oras sa mga walang laman na container nang hindi bababa sa 72 oras.

Sa ilalim ng Section 6 ng Presidential Decree No. 857, ang PPA ay dapat mangasiwa, magkontrol, mag-regulate, magtayo, magpanatili, magpatakbo, at magbigay ng mga pasilidad o serbisyong pagmamay-ari ng awtoridad.

Sinabi ni PPA General Manager Jay Santiago, naniniwala siya na sa pag-aproba ng ARTA, na ang mga alalahanin sa pagpapabilis ng negosyo ay sapat na natugunan.

“PPA will continue to fine tune the program, and the implementation of PPA AO No. 04-2021 and its IOG will be constantly monitored, and the necessary adjustments to the IOG will be made as necessary. TOP-CRMS seeks to remove the payment of container deposits and efficiently manage the return of empty containers. In fact, there have been a series of public consultations, and we have adjusted based on the need of the stakeholders,” dagdag ni Santiago.

Ang panggigipit mula sa smugglers industry insiders ay pinaghihinalaan na ang isang makapangyarihang grupo ng mga smuggler ay nagpipilit sa mga kinauukulang ahensiya at regulator ng gobyerno na itigil ang pagpapatupad ng TOP-CRMS dahil magkakaroon ito ng malaking negatibong epekto sa kanilang mga ilegal na aktibidad.

About hataw tabloid

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …