Tuesday , July 23 2024
Bulacan Police PNP

  Tulak, pugante, sugarol sa Bulacan dinamba

Isa-isang nahulog sa kamay ng batas ang mga tigasing tulak, mga nagtatagong pugante at mga pasaway na sugarol sa patuloy na operasyon ng pulisya sa Bulacan kamakalawa.

Batay sa ulat na ipinadala kay PColonel Relly B. Arnedo, provincial director ng Bulacan PNP, sa buy-bust operation na ikinasa ng Drug Enforcement Unit (SDEU) ng Angat at Malolos C/MPS ay tatlong suspek sa droga ang naaresto.

Kinilala ang mga arestado na sina Romeo Espayos, Redente Collado, at Jhem Camua na nakumpiskahan ng walong piraso ng pakete ng plastic na naglalaman ng shabu, may Standard Drug Price na Php 62,764.00, assorted drug paraphernalia, at buy-bust money.

Ang mga nakumpiskang ebidensiya ay dinala sa Bulacan Provincial Forensic Unit (PFU) para sa pagsusuri, samantalang kasong paglabag sa R.A. 9165 laban sa mga suspek ang inihahanda para isampa sa korte.

Samantala, apat na pugante ang arestado sa manhunt operations na inilatag ng tracker team ng CIDG Bulacan, Pandi, at Obando MPS.

Ang mga arestado sa bisa ng warrant of arrest ay kinilalang sina Dexter Espinosa sa krimeng Robbery sa Verde Heights, Brgy. Gaya-Gaya, San Jose Del Monte City; Rafael Uvas, arestado sa kasong BP 22 sa Pandi, Bulacan; Benjie Enconado, para sa 6 counts ng Arbitrary Detention sa Pulilan, Bulacan; at Reynan Luna na inaresto sa krimeng Rape sa Brgy. Wawang Pulo, Valenzuela City.

Ang mga naarestong akusado ay kasalukuyang nasa ilalim ng kustodiya ng kani-kanilang arresting unit/station para sa angkop na disposisyon.

Sa isinagawa namang anti-illegal gambling operations ng Bulacan 1st Provincial Mobile Force Company (PMFC) ay nagresulta sa pagkaaresto nina Ernani Nicolas at Gloria Andres sa pagkakasangkot sa illegal bet game na bookies.

Nakumpiska sa mga suspek na gagamiting ebidensiya ang dalawang bundles ng papelitos, tatlong pirasong ballpen, at bet money sa iba’t-ibang denominasyon.

Ang mga arestadong suspek ay nakatakdang sampahan ng kasong paglabag sa P.D. 1602, o Anti-Illegal Gambling Act. (MICKA BAUTISTA)

About Micka Bautista

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …