Wednesday , July 24 2024
MORE Power iloilo

Maayos na serbisyo ng MORE Power sa Iloilo City ibinida ni Sen. Grace Poe

IBINIDA ni Senator Grace Poe ang maayos na serbisyo ng More Electric and Power Corporation (MORE Power), ang distribution utility sa Iloilo City, na sa loob lamang ng tatlong taon mula nang mabigyan ng legislative franchise ay nagawang maresolba ang malaking problema sa brownouts at mataas na singil sa koryente sa lalawigan.

Ang pagbida sa MORE Power ay ginawa ni Poe sa pagpapatuloy ng isinasagawang joint investigation ng Senate Committee on Energy at Committee on Public Services kaugnay sa malaking problema sa brownouts na nararanasan sa iba’t ibang bahagi ng bansa bunsod ng mababang uri ng  pamamalakad ng mga electric cooperatives.

Ayon kay Poe, ang pagpasok ng private players kagaya ng MORE Power ang susi para mapabuti ang power service at maiwasan ang paulit-ulit na brownouts.

“Kung mas malaki ang capitalization ng private sector at mayroon silang responsibilidad sa kanilang shareholders, mas maayos ang serbisyo nila. Doon sa Iloilo City, nang ma-approve ang franchise ng MORE Power, mas naging maayos ang serbisyo,” pahayag ni Poe, Chairman ng Senate Committee on Public Services.

Taong 2020 nang magsimulang mag-operate ang MORE Power at sa ikatlong taon ng kanilang operasyon ay halos patapos na ang  kanilang five-year development plan para sa pagpapabuti ng serbisyo sa buong lalawigan.

Sinabi ni MORE Power President and Chief Executive Officer Roel Castro, mula nang i-takeover ng kompanya ang power supply sa Iloilo City mula sa Panay Electric Company (PECO) ay nakapaglagak na ng P1.5 bilyong halaga ng investments na nakatuon para sa modernisasyon ng power distribution facilities.

Kabilang sa pinalitan ng MORE Power ang mga luma at sira-sirang electric meters, mga kahoy na electric poles, upgrades ng mga transformer,  rehabilitasyon ng substations at pagtatayo ng mga bagong transmission at switching stations.

Bunsod ng modernisasyon na ipinatupad ng MORE Power ay nabawasan ng 90% ang power interruptions, naiwasan ang overloading at illegal connections na nagresulta sa pagbaba ng system loss na ipinapasa sa mga consumer,  ang response time sa mga consumer complaints ay agad din natutugunan sa loob lamang ng 10 hanggang 15 minuto at bumaba ang singil sa koryente.

Sinabi ni Castro, dahil sa modernisasyon sa distribution facilities, ang singil sa koryente sa Iloilo City ang isa sa pinakamababa sa buong bansa.

“MORE power has invested over a billion pesos to deliver on its commitment to bring about welcome changes in the electric service in terms of efficiency, sufficiency and reliability,” pahayag ni Castro.

Una nang sinabi ni Iloilo City Mayor Jerry Treñas na consumer friendly ang serbisyong hatid ng MORE Power.

“MORE delivers good service to Iloilo City and they work very closely with us, very consumer-friendly. MORE Power has an excellent Corporate Social Responsibility. Very happy and satisfied customer of MORE Power,” pagtatapos ni Treñas.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …