Wednesday , July 17 2024
Alexis Castro Bulacan Northwind Global City Megaworld Crossroads Ayala Land

Malalaking proyekto sa Bulacan prayoridad sa trabaho ang mamamayan sa lalawigan

Ipinangako ng dalawa sa mga malalaking proyektong paparating sa Bulacan, ang Northwind Global City ng Megaworld Corporation at Crossroads ng Ayala Land Estates, Inc., na prayoridad nila ang pagbibigay ng trabaho sa mga Bulakenyo.

Sa isang regular na forum kasama ang mga mamamahayag noong Biyernes na tinawag na Talakayang Bulakenyo 2023 sa pangunguna ng Provincial Public Affairs Office, sinabi ni John Marcial Estacio, Estate Head ng Ayala Land Estates, Inc., na tiyak na kabilang ang mga Bulakenyo sa kanilang magiging mga manggagawa.

“Bibigyang-priority po natin na unahin ang pag-aalok ng trabaho sa mga manggagaling sa Bulacan, partikular na sa mga karatig bayan na pagtatayuan ng AyalaLand Crossroads. Siguro ay nasa 40% ang ating target,” ani Estacio.

Gayundin ang naging pangako ni Ma. Kamille Andrea Quiniano, Senior Sales Manager ng Megaworld Corporation.

“We have the vision to really help the improvement of Bulacan as a province as one of the most competitive. It will be our advantage to make use of the talents of Bulakenyos and definitely it’s the main priority of Northwin Global City to employ people from Bulacan from the development up to the time that it is developed already,” ani Quiniano.

Samantala, sinabi ni Bise Gob. Alexis C. Castro na kaisa ni Gob. Daniel R. Fernando at milyun-milyong Bulakenyo, inaabangan ng probinsiya ang katuparan ng malalaking proyektong ito at ang benepisyong nito sa mga Bulakenyo.

“This is the right time to invest in our province. We welcome all the businesses, all the opportunities and the Provincial Government is thrilled because of all the development that’s coming for us,” ani Castro.

Gayundin, ibinahagi naman ng Pinuno ng Bulacan Environment and Natural Resources Office na si Abgd. Julius Victor Degala sa media ang resulta ng kanilang benchmarking kamakailan sa Japan na may kinalaman sa bagong teknolohiya sa pamamahala ng basura.

“Pumunta kami doon para tingnan ang mga magaganda at latest technology ng Japan pagdating sa solid waste management. May iuuwing napakagandang proyekto ang ating gobernador pagdating sa solid waste management. ‘Wag na po kayo mabahala at andiyan na po ang available technology at iyan po ang panagot po natin sa napipintong pagtaas ng basura sa hinaharap,” ani Degala.

Dumalo rin sa Talakayang Bulakenyo bilang miyembro ng panel sina Panlalawigang Tagapangasiwa Antonette V. Constantino, Pinuno ng Provincial Planning and Development Office Arlene G. Pascual, Pinuno ng Provincial Legal Office Abgd. Gerard Nelson Manalo, at Abgd. Gerald Biscarra Baro, Chief of Staff ni Castro, samantalang nagsilbing moderator si Katrina Anne Bernardo-Balingit, pinuno ng Provincial Public Affairs Office.(Micka Bautista)

About Micka Bautista

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …