Wednesday , July 17 2024
AKSYON AGAD ni Almar Danguilan
AKSYON AGAD ni Almar Danguilan

Mga bugok sa QC hall, magbago na kayo

AKSYON AGAD
ni Almar Danguilan

Mayroon pa palang mga bugok na kawani sa Quezon City Hall. Mayroon,  kaya lang hindi nagtatagumpay ang mga ito dahil sa mahigpit ang kampanya ni  QC Mayor Joy Belmonte laban sa mga korap na kawani o empleyado sa ano man departamento sa city hall.

Nabatid na may mga nalalabi pang bugok na kawani sa City Hall makaraang maglabas uli ng babala si Mayor Joy na hindi niya sasantuhin ang sinuman kawani o opisyal na gagawa ng katarantaduhan sa pagpapatupad ng tungkulin na may kinalaman sa pagbibigay serbisyo sa mamamayan ng lungsod “QCitizens”.

Partikular na katarantaduhan na ginagawa ng mga tiwali ay ang paghingi ng “lagay” o suhol sa mga QCitizens na may transaksyon sa City Hall. 

Bagamat, hindi lang ngayon ang pagbibigay babala ni Mayor Joy kung hindi noon pa man – unang pag-upo pa lang niya bilang alkalde ay mayroon na siyang giyera laban sa mga tawali sa City Hall.

“Hindi natin palalampasin ang mga ganitong klaseng pang-aabuso at pagmamalabis sa ating mga QCitizen lalo na kung sangkot mismo ang ating mga kawani sa pamahalaan. Here in QC, we will never condone the ‘palakasan’ system. No one should dangle money or gifts in exchange for special favors or a shortcut to our processes. We have embraced digitalization so that everything is done expeditiously, eliminating red tape,” babala ni Mayor Joy.

E bakit nga muling nagbabala ang alkalde? Bakit? Hayun,may dalawang kawi sa City Hall ang kinalawit ng mga operatiba ng Quezon City Police District (QCPD) dahil sa pangingikil sa isang kliyente ng QC government.

Kamakailan, dalawang tauhan ng QC Treasurer’s Office ang inaresto ng QCPD sa entrapment operation dahil sa pangingikil sa isang QCitizen na may inaasikasong dokumento sa nasabing dibisyon. Kinikikilang ang kliyente kapalit ng mabilis na pagproseso sa mga dokumento.

Abril 18, 2023, isang kliyente ng City Treasurer’s Office (CTO) ang nag-aplay ng Certificate of Retirement of Business. Sa assessment ng mga suspek, isang Revenue Examiner at isang Administrative Aide para sa requirements ng kliyente siya ay pinagbabayad ng P77,632.00 para sa tax due bago ang retirement.

Heto ngayon ang nangyari, naging malikot ang isipan ng dalawang kawani – “pera na ito” – iyon ang marahil ang nasa isip nila. Kaya habang pinoproseso ang certificate ng kliyente, ang mga suspek umano ay humingi ng P50,000 para mapabilis ang paglabas ng dokumento sa kundisyon na ang “discounted rate” ay hindi bibigyan ng official receipt.

Aba’y kapag nagkataon, lugi ang pamahalaang lungsod nito ha. E hayun, matino ang kliyente, ayaw niya ng maruming laro at malaman ay may takot ito sa Diyos.

Kaya, humingin si Juan Dela Cruz ng tulong sa QCPD laban sa dalawang kawani ng CTO. Hehehehe..kumagat sa ikinasang entrapment ang dalawa kaya, huli at kulungan ang bagsak nila. Buti nga sa inyo.

Siyempre, kinasuhan ang dalawa sa paglabag sa Republic Act 9485 o Anti-Red Tape Act of 2007 sa QC Prosecutor’s Office.

Ayon kay QCPD Director, PBrig. Gen. Nicolas Torre III, ang agarang pag-aksyon ng kanyang mga tauhan hinggil sa reklamo ng kliyente ng QC government ay katugunan sa kampanya ni Mayor Joy kaugnay sa malinis na pamahalaan sa pamamagitan ng pagwalis sa mga tiwali sa ano man departamento ng City Hall.

“Pinapaalalahanan po natin ang publiko na mag-ingat at huwag makipag-transaksyon sa mga indibidwal na hihingan kayo ng ‘lagay’ kapalit ng  pag-proseso ng inyong mga dokumento. I-report agad ang mga ito sa kapulisan o kaya tumawag sa Hotline 122 upang mabigyan ng agarang aksyon,” pahayag pa ni Torre III.

Sa kabilang dakong naman ay binalaan naman ni Mayor Joy ang mga kliyente ng City Government na manunuhol sa mga kawani, na maging sila ay may paglalagyan – aarestuhin at kakasuhan.

“Here in QC, we will never condone the ‘palakasan’ system. No one should dangle money or gifts in exchange for special favors or a shortcut to our processes. We have embraced digitalization so that everything is done expeditiously, eliminating red tape,” babala pa ni Mayor Joy.

About Almar Danguilan

Check Also

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …