Tuesday , March 19 2024
Bongbong Marcos BBM

Labor force lalong palalakasin
OBRERO UNA SA FM, JR. ADMIN

HUWAG mawalan ng lakas ng loob, sipag, at pag-asa sa kabila ng mga hamon sa buhay.

Ito ang mensahe ni Pangulong Ferdinand R. Marcos Jr. sa mga obrero sa pagdiriwang ng Araw ng Paggawa.

Sa kanyang talumpati, kinilala ng Pangulo ang hirap na kinakaharap ng mga manggagawa, tulad ng kawalan ng trabaho, pagtaas ng presyo ng mga bilihin, at kawalan ng access sa mga benepisyo ng gobyerno.

Kaya naman, ipinangako niya na ang pangangalaga sa mga manggagawa ay uunahin sa ilalim ng kanyang administrasyon.

“Sa kabila ng mga hamon ng buhay, wag kayong mawalan ng lakas ng loob, ng kasipagan, at ng pag-asa. Nawa’y panatilihin ninyo ang pagsisikap, integridad, at pagmamahal sa lahat ng inyong gawain. Ipamalas natin ito at ipamana sa ating mga anak at susunod na ating salinlahi,”aniya.

“Ang ating pagsusumikap ay may kakayahang makapagtaguyod ng ating sarili, pamilya, at pamayanan. Ito rin ay may kakayahang magpapakita ng pagmamahal at naghahatid ng ginhawa, kapanatagan, at kasiyahan sa ating lahat na lalong mapaunlad ang ating mga buhay,” dagdag niya.

Sa datos ng Philippine Statistics Authority (PSA), may 22.47 milyon ang walang trabaho noong Pebrero 2023.

Bago umalis patungong Washington, DC kahapon, dumalo si FM Jr. sa pagbubukas ng  “Kadiwa ng Pangulo Para Sa Manggagawa” outlet sa Pasay City, na nilahukan ng may 150 businesses at sellers muka sa iba’t ibang ahensya.

Sinaksihan din ng Pangulo ang paglagda ng kontrata ng Department of Labor and Employment (DOLE) at iba’t ibang ahensya ng pamahalaan upang suportahan at lalong palakasin ang labor force sa pamamagitan ng livelihood programs, job creations at skills training.

Pinangunahin din niya ang pamamahagi ng ayuda ng pamahalaan sa may 1,400 beneficiaries; binisita ang ginaganap na jobs, livelihood, at business fairs na nag-aalok ng 82,000 trabaho mula sa iba’t ibang industriya. (ROSE NOVENARIO)

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …