Thursday , April 18 2024

P16-M civil lawsuit inihain ng senador vs ex-DOE chief

031423 Hataw Frontpage

NAGHAIN si Senador Win Gatchalian ng P16-milyong civil lawsuit laban kay dating Energy secretary Alfonso Cusi bilang kabayaran sa sinabing mpaninira laban sa mambabatas.

Inihain ni Gatchalian ang kaso noong 20 Pebrero 2023 na nai-raffle sa Branch 282 ng Valenzuela City Regional Trial Court (RTC).

Sa kasong inihain ni Gatchalian, ang kabuuang hinihingi niya ay P10 milyon para sa moral damages, P5 para sa exemplary damages, at P1 milyong pambayad sa abogado.

Nag-ugat ang kaso, matapos ihayag ni Cusi noong 4 Pebrero 2022, na napolitika ang Udenna-Chevron Malampaya Consortium shares deal at si Gatchalian, sa panahon ng pagdinig ng Senate Committee on Energy sa usapin, ay piniling makinig sa mga adversarial na interes sa negosyo.

Ang pahayag ni Cusi ay kanyang inihayag kasabay ng pagdadala ng Senate Secretariat – Records Management and Mailing Service sa tanggapan ng Ombudsman ng adopted senate resolution na nagpapahayag ng pagsasampa ng kasong kriminal at administratibo laban kay Cusi at sa iba pang opisyal ng Department of Energy (DOE) kaugnay sa Udenna-Chevron Malampaya Consortium shares deal.

Magugunitang si Gatchalian, matapos ang resosluyon ay nagsagawa ng sunod-sunod na pagdinig bilang Chairman ng Senate committee on energy at nagsagawa ng privilege speech na tumutukoy kay Cusi at iba pang opisyal ng DOE na dapat sampahan ng kasong graft, gross neglect of duty, at grave misconduct.

Hinamon din magbitiw sa kanilang tungkulin dahil sa kanilang pagmamadali sa pag-aaproba sa pagbebenta ng interest ng Chevron sa Malampaya gas field.

Iginiit ni Gatchalian, nagkaroon ng lamat ang kanyang reputasyon bilang senador at public servant dahil sa pahayag ni Cusi lalo na’t ito ay nailathala sa DOE official website na nabasa hindi lamang sa loob ng bansa kundi sa ibang panig ng mundo lalo ng mga foreign investor at stakeholders ng energy sector.

Iginiit ni Gatchalian, nagkaroon din ng malisya at dungis sa kanyang imahen at reputasyon ang pahayag ni Cusi.  (NIÑO ACLAN)

About Niño Aclan

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …