Thursday , March 30 2023
Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng Sibuyan na nagpoprotesta laban sa ilegal na pagmimina, sinabi ng Alyansa Tigil Mina (ATM), ipinag-utos ng Department of Environment and Natural Resources (DENR) sa Altai Philippines Mining Company na pansamantalang itigil ang kanilang operasyon.

Ayon sa grupo, nagkaroon ng dialogo ang mga residente ng Sibuyan, sa pangunguna ni Rodne Galicha, isang environmental defender, at ang mga opisyal ng Philippine National Police (PNP), Department of Interior and Local Government, DENR, mga kinatawan ng Altai Philippines Mining Corporation (APMC), at iba pang lokal na opisyal.

Ani Galicha, inutusan ang kompanya na itigil ang pag-develop sa lugar at ang mga hindi kinakailangang aktibidad na lalong nagpapalala ng sitwasyon dito.

Dagdag ng ATM, binigyan ang APMC ng notice of violation dahil bigong magpakita ng Environmental Compliance Certificate (ECC) at nahuling nagpuputol ng puno nang walang kaukukang permiso.

Pahayag ni ATM National Coordinator Jaybee Garganera, dahil sa pagpupursigi ng mga mga residente ng Sibuyan, nabatid ng DENR na apat ang ginawang paglabag ng APMC.

Aniya, ito ay maituturing na tagumpay ng mga residente ng Sibuyan laban sa mapinsalang pagmimina.

Ayon sa ATM, ang mga sumusunod ang ginawang paglabag ng kompanya: paglabag sa Presidential Decree No. 1067, Water Code of the Philippines; DENR Department Administrative Order 2004-24, Foreshore management; Presidential Decree No. 1586, Environmental Impact Statement System; Presidential Decree No. 705, Revised Forestry Code of the Philippines.

About hataw tabloid

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …