Tuesday , March 19 2024
Maria Susana Va Ople Blas Ople

Sa ika-96 na anibersaryo ng kapanganakan ni Ka Blas
Department of Migrant Workers dadalo

Kaisa ng Pamahalaang Panlalawigan ng Bulacan si Sec. Maria Susana V. Ople ng Department of Migrant Workers sa paggunita sa ika-96 taong anibersaryo ng kapanganakan ng kanyang yumaong ama na si Gat Blas F. Ople sa Biyernes, 3 Pebrero 3, 2023, na idineklarang isang special non-working day sa lalawigan.

May temang, “Gat Blas F. Ople: Dakilang Bulakenyo, Bayani ng Manggagawang Pilipino”, pangungunahan ni Ople, gayundin nina Gob. Daniel Fernando at Bise Gob. Alexis Castro kasama ang ilang opisyal ng Bulacan, ang taunang pag-alaala at pag-aalay ng bulaklak sa harap ng bantayog ni Ka Blas sa harap ng Gusaling Gat Blas F. Ople: Sentro ng Kabataan, Kaalaman at Hanapbuhay (Provincial Livelihood Center), Antonio S. Bautista Bulacan Provincial Capitol Compound, sa lungsod ng Malolos, sa 8:00 ng umaga bukas.

Kilala bilang “Father of Philippine Labor Code” at “Father of Overseas Filipino Workers”, isang job fair ang pangungunahan ng Provincial Youth, Sports and Public Employment Service Office (PYSPESO) sa pakikipagtulungan ng Department of Labor and Employment (DOLE) sa The Pavilion, Hiyas ng Bulacan Convention Center, ganap na ika-9:00 ng umaga bilang bahagi ng pagbibigay-pugay kay Ka Blas. Ipamamahagi rin ang Certificates Of Completion ng DOLE Government Internship Program sa mga benepisyaryo.

Kaalinsabay din ng nasabing job fair ang pagsasagawa ng medical mission sa pangunguna ng Department of Migrant Workers at sa pakikipagtulungan ng Damayan sa Barangay.

Sinabi ni Fernando na isa sa mga pinakatanyag na estadista sa bansa si Ka Blas at ang kanyang kahusayan sa pamumuno at serbisyo publiko ay nakaukit magpakailanman sa puso at isip, hindi lamang ng mga Bulakenyo, kundi ng lahat ng Filipino.

“Patuloy na pinaunlad ng ating bayaning si Gat Blas Ople ang buhay ng mga Pilipino. Hinihikayat ko ang mga kabataan na palagiang alalahanin ang kanyang kabayanihan at gawing inspirasyon ang kanyang buhay at kontribusyon sa pagbibigay ng serbisyo sa bansa”, anang gobernador.

Inaasahan rin ang pagdalo sa programa ng mga kapamilya ni Ka Blas, PESO managers, konseho ng OFW, BTEC mula sa mga bayan ng Plaridel, Pulilan at Guiguinto at Lungsod ng Malolos, at ilang historical groups.

Si Ka Blas ay isang mamamahayag at ikinukunsiderang isa sa mga pinakabatang kolumnista. Siya rin ang ‘Ama’ ng National Manpower and Youth Council (ngayon ay TESDA) na nagsasagawa ng mga programa sa pagsasanay para sa mga dalubhasang manggagawa.

Humawak din siya ng matataas na posisyon sa gobyerno ng Pilipinas kabilang ang Pangulo ng Senado mula 1999 hanggang 2000 at Kalihim ng Foreign Affairs mula 2002 hanggang sa kanyang pagpanaw.

Ipinakita din ni Ople ang kanyang katapangan sa pagsabak sa Second World War bilang batang opisyal ng Del Pilar Regiment, Bulacan Military Area (BMA) at lumaban sa ilalim ng BMA’s Buenavista Regiment hanggang sa pagkakahuli ni General Yamashita noong 1945. (MICKA BAUTISTA)

About Micka Bautista

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …