HATAW! D'yaryo ng Bayan hatawtabloid.com
NASAKOTE sa pinaigting pang operasyon ng pulisya nitong Martes, 31 Enero ang limang pinaniniwalaang mangangalakal ng droga at limang wanted na indibidwal sa magkakahiwalay na lugar sa lalawigan ng Bulacan.
Kinilala ang mga nadakip na personalidad sa droga na sina Francis Maceda, mula sa Sta. Maria; Erickson Del Rosario alyas Soysoy, mula sa Baliuag; Mark Anthony Pablo alyas Tune; Jostro Castro; at Sherwin Gomez alyas Wawe.
Inaresto ang mga suspek sa buybust operation na ikinasa ng Sta. Maria, Pulilan, Pandi, at San Miguel MPS kung saan narekober mula sa kanila ang anim na pakete ng hinihinalang shabu at pitong pakete ng marijuana.
Samantala, nasukol ang dalawang sugarol sa iginagawang anti-illegal gambling operation ng mga operatiba ng San Miguel at Meycauyan C/MPS matapos maaktuhan sa illegal bookies activities.
Nahahrap ang lahat ng mga naarestong suspek sa mga reklamong kriminal at kasalukuyang inilagay sa kustodiya ng kani-kanilang arresting police stations.
Samantala, sa patuloy na manhunt operations ng tracker teams ng 1st PMFC, CIDG PFU, Calumpit MPS, Bocaue MPS, at San Jose del Monte CPS, matagumpay na naaresto ang limang wanted na indibidwal para sa mga kasong grave slander, BP 22 (bouncing check laws), at attempted homicide.
Pahayag ni P/Col. Relly Arnedo, provincial director ng Bulacan PPO, ang puwersa ng kapulisan sa lalawigan ay patuloy sa walang humpay na pagsisikap upang labanan ang lahat ng ilegal na mga gawin dito. (MICKA BAUTISTA)
