Friday , March 29 2024
cal 38 revolver gun Shabu Drugs

Rider timbog sa ‘boga’ at ‘bato’

INARESTO ng mga awtoridad ang isang rider nang mahulihan ng hindi lisensiyadong baril at hinihinalang ilegal na droga sa nakalatag na checkpoint sa bayan ng Samal, lalawigan ng Bataan, nitong Biyernes, 27 Enero.

Ayon kay P/BGen. Cesar Pasiwen, Regional Director ng PRO3, pinara ng checkpoint team ng Samal MPS ang suspek na kinilalang si Audie Maradial, 40 anyos, residente sa Brgy. Tugatog, Orani, Bataan, habang sakay ng kanyang minamanehong motorsiklo.

Nang usisain ukol sa mga kinakailangang dokumento, binuksan ng suspek ang compartment ng kanyang motorsiklo at sa malinaw na tanawin ng mga awtoridad ay nakita ang isang pirasong chrome Colt caliber .45 na may magasing kargado ng tatlong bala, at isang selyadong pakete ng plastic na naglalaman ng hinihinalang shabu, may timbang na 50 gramo at tinatayang nagkakahalaga ng P300,000.

Nang tanungin ng mga awtoridad tungkol sa mga dokumento ng baril, bigo si Maradial na magpakita alinman dito kaya ayon kay P/Col. Romell Velasco, Provincial Director ng Bataan PPO, ang suspek ay agad inilagay sa warrantless arrest.

Kasalukuyang nasa kustodiya ang suspek ng Samal MPS kabilang ang mga nasamsam na ebidensiya para sa nararapat na disposisyon habang inihahanda ang pagsasampa sa korte mga kasong paglabag sa  RA 10591 at RA 9165. (MICKA BAUTISTA)

About Micka Bautista

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …