Tuesday , March 21 2023
Casares, Alcoseba nanguna sa National Age Group Triathlon Series

Casares, Alcoseba nanguna sa National Age Group Triathlon Series

OLONGAPO – Ipinamalas ng Filipino-Spanish na si Fernando Jose Casares ang kanyang tibay, lakas at resistensiya para angkinin ang gintong medalya sa Sprint Men’s Elite category ng National Age Group Triathlon (NAGT) Series sa Subic Boardwalk, SBMA, Zambales noong Linggo.

Si Casares, ay nagtala ng 57 minuto at 16 segundo upang manaig kina Matthew Justine Hermosa ng Cebu City (57:34) at Andrew Kim Remolino (59:12) sa paglangoy (750m), bike (20km), run (5km).

Nanguna sa women’s category si Raven Faith Alcoseba ng Cebu City sa oras na 1:04:36, tinalo sina Erika Nicole Burgos (1:08:03) at Karen Manayon (1:08:25).

Samantala, Itinanghal na kampeon sina Dayshaun Ramos at Kira Ellis sa junior elite division ng tournament na inorganisa ng Triathlon Association of the Philippines (TRAP) na pinamumunuan ni Tom Carrasco Jr.

Si Ramos ay nanalo sa men’s category sa oras na 1:01.56 habang sina Akio Habana (1:03:43) at Aidanreed Mercado (1:03:51) ay pumangalawa at pangatlo, ayon sa pagkakasunod.

Sa women’s category, nagposte si Ellis ng 1:05:51 para sa gintong medalya. Nakuha ni Gene Heart Quiambao may oras na (1:06:15) ang pilak na medalya at si Lady Samantha Jhunace Corpuz (1:07:18) ay umamot ng bronze medal.

“Ang torneo ay bahagi ng paghahanda ng ating mga pambansang atleta para sa Cambodia SEA Games sa Mayo,” saad ni Mr. Carrasco pagkatapos gawaran ng medalya ang mga nagwagi.

Mga nakahay na tune-up event ng (TRAP) ay ang National Aquathlon Championships sa Vermosa (Cavite) sa Marso at ang Subic International Triathlon sa darating Abril.

Ang (NAGT) series ay itinaguyod ng Subic Bay Metropolitan Authority (SBMA), Philippine Sports Commission, Standard Insurance, Asian Center for Insulation Philippines, TYR, Subic Bay Venezia Hotel at Fitbar.

 Media partners: Radyo Pilipinas 2, PTV Sports, SBR.ph at Raceday! ( HENRY TALAN VARGAS)

About Henry Vargas

Check Also

Marian Calimbo

Cebuana chesser nakatutok sa Malaysia tourney

MANILA — Isang 20-anyos chess player mula Malabuyoc, Cebu ang nakatakdang lumipad sa Malaysia para …

SLP-PH humakot ng 61 medalya sa AOS tilt sa Thailand

SLP-PH humakot ng 61 medalya sa AOS tilt sa Thailand

HUMAKOT ang Swimming League Philippines – Team Philippines (SLP-PH) nang kabuuang 61 medalya, kabilang ang …

Buhain COPA Swimming

Suporta ng COPA sa ‘Stabilization Committee’ — Buhain

IDINEKLARANG tagumpay ang ikinasang National swimming tryouts ng Stabilization Committee na nilahukan ng 188 atleta …

Darren Evangelista Langoy Pilipinas

Top swimmers ng Langoy Pilipinas sasabak sa Guam

KASADO na ang programa para sa international exposure ng mga batang medalists at promising swimmers …

Eric Buhain swimming

Buhain nanghimok makilahok sa PH swimming tryouts

HINIKAYAT ni swimming legend Batangas 1st District congressman Eric Buhain ang lahat ng Filipino swimmers …