MPK sa Sabado nakakikilabot

RATED R
ni Rommel Gonzales

NAKAKIKILABOT ang upcoming brand new episode ng real life drama anthology na Magpakailanman.

Pinamagatang Kinulam na Ina, kuwento ito ni Alma na nakararanas ng ‘di maipaliwanag na mga sakit.

Masayang nagsasama si Alma at ang live-in partner niyang si Simon at anak nilang si Nathan.

Sasali sa isang konserbatibong Christian group ni Alma at mapagdedesisyonan niyang hindi sila maaaring magsiping ni Simon hanggang hindi pa sila ikinakasal.

Magkakaroon naman ng ibang babae si Simon at makadadagdag pa sa galit ni Alma ang pagkunsinti ng nanay nitong si Mamang.

Kukompruntahin niya ang mag-ina at matapos nito, iba’t ibang sakit na ang dadapo kay Alma.

Resulta nga ba ito ng kulam? Sino ang nagpakulam kay Alma at paano niya ito malalagpasan?

Abangan sa brand new episode na pinamagatang Kinulam Na Ina”, sa Sabado, January 28, 8:00 p.m. sa #MPK tampok sina Sheryl Cruz, Leandro Baldemor,  Rosemarie Sarita, at Zyren dela Cruz. 

Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.