Tuesday , July 16 2024
Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa patuloy na Simultaneous Anti-Criminality Law Enforcement Unit (SACLEO) ng pulisya sa lalawigan kamakalawa.

Batay sa ulat na ipinadala kay PColonel Relly B. Arnedo, provincial director ng Bulacan PNP, ang mga tauhan ng SJDM CPS ay arestado ang Most Wanted Person (MWP) sa city level ng SJDM City na si Raine Aajonus Gaviola.

Ang naarestong akusado ay wanted para sa kasong Statutory Rape (two counts), sa bisa ng warrant of arrest na inilabas ng RTC Branch 5-FC, CSJDM, Bulacan na walang itinakdang piyansa.

Kasunod nito, ang mga tauhan ng Pulilan MPS katuwang ang Bulacan-RIU3 ay naaresto si Jhon Edward Zapata, 22-anyos, ng  Tarcan, Baliwag.

Si Zapata ay kinilalang assistant leader ng Zapata Criminal Group, na kilala sa robbery at iligal na droga, at kabilang sa  PDEA Top 10 Target List at Provincial High Value Individual (HVI).

Ang naarestong akusado ay wanted para sa krimeng Robbery in an Uninhabited Place o ang Private Building (RPC ART. 302) sa bisa ng warrant na inilabas ng Municipal Trial Court sa Cities Branch 1, Lucena City, Quezon.

Kaugnay pa rin sa ulat, na 23 katao na pinaghahanap ng batas ang naaresto sa mga serye ng pursuit operations na inilatag ng tracker teams ng 2nd PMFC, Angat, Bulakan, Bustos, Calumpit, Malolos, Meycauayan City, Plaridel, Pulilan, Sta. Maria, Obando, Bocaue, Plaridel, at San Miguel C/MPS.

Gayundin, 17 personalidad sa droga ang arestado sa mga serye ng anti-illegal drug operations na ikinasa ng Station Drug Enforcement Unit (SDEU) ng Bocaue, Malolos City, Marilao, Meycauayan City, Pulilan, San Miguel, SJDM City, at Sta. Maria C/MPS.

Nasamsam sa mga suspek ang kabuuang 67 pakete ng pinaghihinalaang shabu, 5 pakete ng  marijuana, na tinatayang may drug-value na PhP 143,912.00, mga drug paraphernalia at buy-bust money. (MICKA BAUTISTA)

About Micka Bautista

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …

First Lady Liza Araneta-Marcos Pasig River Esplanade

Pasig River Esplanade pasyalang paraiso sa Pasig River –  First Lady

NAGBIGAY ng buong suporta si First Lady Liza Araneta-Marcos para mapadali ang ginagawang Pasig River …

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …