International singer Jos Garcia magiging busy ngayong 2023

MATABIL
ni John Fontanilla

MAGANDA ang pasok ng 2023 sa international singer at 13th Star Awards for Music Female Acoustic Artist of the Year awardee na si Jos Garcia dahil sunod-sunod ang blessings na dumarating sa kanya.

After nga ng natagumpay niyang paglibot sa buong Pilipinas last year para i-promote ang ineendosong Cleaning Mama’s, maraming proyekto ang nakatakda niyang gawin ngayong taon.

Isa na rito ang pagkanta ng themesong ng inaabangan at controversial movie na The Revelation ni Direk Ray An Dulay na pinagbibidahan nina Ana Jalandoni, Aljur, at Vin Abrenica under Handheld Productions ni Ms Kate Javier. 

Si Jos mismo ang nag-compose ng theme song ng The Revelation.

May bago ring awitin si Jos na gawa ni Maestro Rey Valera na sisimulan na niyang i-record ngayong buwan. Isa na rin itong member ng Filscap.

Nakatakda rin itong bumalik ng Japan si Jos para sa kanyang mga naka-line-up na shows sa iba’t ibang sikat na clubs sa Japan.