NAHAHARAP sa kasong rape ang 19-anyos lalaki na sinasabing sangkot sa patong-patong na kaso ng panghahalay sa Makati City, kamakalawa.
Kinilala ang akusadong si Mark Ryan Palero Beblañas, na inaredto sa bisa ng mga warrant of arrest na inisyu ni Judge Flordeliz Cabanlit Fargas, ng Fourth Judicial Region, Branch 5, Trece Martires City, Cavite na may petsang 8 Nobyembre 2022.
Ayon sa ulat ng Southern Police District-Public Information Office (SPD-PIO), dakong 11:58 pm ng nitong 9 Disyembre 2022 nang hulihin si Fargas ng mga operatiba ng Criminal Investigation and Detection Group 4A, kasama ng iba pang elemento ng National Capital Region Police Office at Makati City Police Station sa Araro St., Barangay Palanan, Makati City.
Napag -alaman, ang mga nakabinbing kaso ni Fargas ay anim na kinabibilangan ng 5 kasong rape at statutory rape na pawang walang inirekomendang piyansa at isang Sexual Assault na maaring maglagak ng P200,000 piyansa para sa pansamantalang kalayaan.
Nangangahulugang hindi maaaring makalaya ang akusado kahit bailable ang isa nitong kaso dahil ang lima pa ay pawang non-bailable. (GINA GARCIA)