Monday , March 4 2024
Broken Blooms

Direk Louie Ignacio, nanawagan ng suporta para sa pelikulang Broken Blooms

ALAM MO NA!
ni Nonie Nicasio

MATAGUMPAY ang ginanap na Red Carpet Premiere Night ng pelikulang Broken Blooms last Saturday sa Cinema 2 ng The Block North Edsa, Quezon City.

Tampok sa pelikula ang Kapuso actor na si Jeric Gonzales, Jaclyn Jose, at Therese Malvar. Ito’y isinulat ni Direk Ralston Jover.

Ang event ay pinangunahan ng casts ng Broken Blooms, ni Direk Louie Ignacio, ng producer nitong si Engr. Benjamin Austria, at line producer na si Dennis Evangelista.

After ng showing ng pelikula, nanawagan si Direk Louie ng suporta sa publiko.

Aniya, “Sa wakas ay maipalalabas na po sa ating sariling bayan ang aming pelikulang Broken Blooms. Isang taon naming ginawa ito during pandemic, hindi namin maipalabas kasi sarado ang mga sinehan at hindi pa tinatanggap ng mga viewers na mayroong ulit na palabas sa sinehan.

“Kaya nagbabakasakali kami ngayon na ipalabas ito sa kauna-unahang pagkakataon dito sa Filipinas. Pero before ito maipalabas dito, kami po ay umikot na sa iba’t ibang film festivals at malugod na tinanggap ito sa ibang bansa at nagkaroon ng iba’t ibang parangal.

“Nagpapasalamat kami dahil ang pinagpaguran namin ay nagbunga nang maganda at lahat ng actors ay binigyan ng kanya-kanyang mga papuri sa iba’t ibang bansa, ganoon din ang produksiyon, ang Ben Tria Production.”

Dagdag ni Direk Louie, “Kaya nagpapasalamat kami, ito po ay napakasimpleng pelikula at sana po ay inyong magustohan.”

Marami nang awards ang nasungkit ng pelikula sa iba’t ibang international filmfest. Samantala si Jeric ay apat na Best Actor award na ang napanalunan, ang pinakahuli ay sa Montelupo Fiorentino International Independent Film Festival sa Italy.

Mapapanood na sa mga sinehan ang Broken Blooms sa December 14. Kasama sa cast nito sina Royce Cabrera, Boobay, Mimi Juareza, at Lou Veloso.

About Nonie Nicasio

Check Also

JK Labajo

JK Labajo naloka nawawalang underwear ibinebenta online triple pa ang presyo

MA at PAni Rommel Placente SA eksklusibong panayam ng PEP.ph sa singer-actor na si JK  Labajo, naikuwento niya …

Tom Rodriguez

Tom sa pagbabalik-showbiz: I feel buo na uli ako

MA at PAni Rommel Placente MAHIGIT dalawang taon ding namalagi sa America si Tom Rodriquez, na …

Sofia Pablo Eras Tour Taylor Swift

Sofia nabogus sa Eras Tour ni Taylor Swift

BIKTIMA ng bogus ticket seller ang Sparkle artist na si Sofia Pablo para sa Eras Tour ni Taylor Swift sa Singapore. Maaga …

Kelvin Miranda

Kelvin tinuligsa pagnguya ng gum habang nasa stage

I-FLEXni Jun Nardo HUWAG gawing dahilan ni Kelvin Miranda ang pagtago sa kanyang nerbiyos kaya siya ngumunguya …

blind item

Talent hindi nababayaran ‘di rin pwedeng baratin

ni Ed de Leon ISANG magandang subject na talakayin ang tanong na natatawaran ba ang …