Sunday , May 19 2024
Quezon City QC
Quezon City QC

QMC idineklarang child labor-free zone — Belmonte

KASABAY nang pagdiriwang ng National Children’s Month, idineklara ng lokal na pamahalaan ng Quezon City na child labor-free zone ang Quezon Memorial Circle (QMC) nitong Linggo.

Sa kanyang State of the City’s Children Report sa QMC, iginawad ni Mayor Joy Belmonte ang Seal of Child Labor-Free Zone sa QMC sa lahat ng mga nangungupahan, guwardiya, hardinero, at admin staff na sumailalim sa pagsasanay para sa Child Rights at Child Labor 101.

               “Lahat ng establisimiyento rito, walang ilegal na batang empleyado. At binuo nila ang kanilang Child Protection Policy upang agarang matugunan ang anomang report o insidente ng child exploitation,” ayon kay Belmonte.

Sinabi ni Belmonte, nararapat na ibigay ang nasabing tagumpay sa QMC dahil ito ang nagsilbing venue kung saan ginanap ang Global March Against Child Labor noong 17 Enero 1998.

“This is the historic site where our local intention to end child labor ignited a worldwide conviction that is now being shared by the nations of the world,” anang alkalde.

Bilang bahagi ng pagsisikap ng pamahalaang lungsod na puksain ang child labor, sinabi ni Belmonte na itinatag niya ang Quezon City Inter-Agency Task Force for the Special Protection of Street Children and Child Laborers o Task Force Sampaguita.

Itinatag ito sa bisa ng Executive Order No. 41, Series of 2022, para sa pagpapaigting na puksain ang lahat ng uri ng child labor sa lungsod.

Batay sa datos, nakapagtala ang QC LGU ng higit sa 10,000 biktima ng child labor, 5,229 dito ang batang lalaki habang 4,773 ang mga batang babae na imbes pumasok sa paaralan ay nagtatrabaho sa kalsada sa lungsod.

“Hindi po tayo papayag na ang mga kabataan na dapat na nag-aaral at naglalaro ay nagtatrabaho. Lalong-lalo sa tinatawag nating worst forms of child labor. Nakikiisa ako sa mainit na panawagang wakasan ang child labor,” dagdag ng QC Mayor. (ALMAR DANGUILAN)

About Almar Danguilan

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

Krystall Herbal oil FGO Fely Guy Ong

Kabag sa alimuom ng ulan tanggal sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …