Friday , December 9 2022
dead gun police

Sa Tanauan, Batangas
DATING AHENTE NG ONLINE SABONG PATAY SA PAMAMARIL

BINAWIAN ng buhay ang isang 40-anyos lalaking napag-alamang dating ahente ng online sabong nang barilin ng riding-in-tandem sa isang karinderya sa Purok 2, Brgy. Darasa, lungsod ng Tanauan, sa lalawigan ng Batangas nitong Miyerkoles ng madaling araw, 23 Nobyembre.

Kinilala ang biktimang si Alejandro Tañedo, Jr., alyas Lucky, 40 anyos, residente sa Brgy. Boot, sa nabanggit na lungsod.

Nabatid na nakatanggap ang pulisya ng impormasyon mula sa Daniel Mercado Medical Center (DMMC) dakong 12:45 am kahapon na may dinalang biktima ng pamamaril.

Base sa imbestigasyon, dakong 7:30 pm noong Martes, 22 Nobyembre, nang magtungo ang biktima sa sabungan sa nasabing lugar at umalis na may dalawang kasama dakong 12:20 am ng Miyerkoles upang kumain sa isang karinderya.

Makalipas ng ilang minuto, dumating ang mga suspek na magkaangkas sa motorsiklo saka ilang beses binaril ang biktima na tinamaan sa iba’t ibang bahagi ng kanyang katawan.

Tumakas ang mga suspek patungo sa direksiyon ng lungsod ng Sto. Tomas habang isinugod ang biktima sa pagamutan kung saan siya idineklarang dead on arrival.

Narekober ng mga imbestigador ang tatlong basyo ng bala ng kalibre .45 baril at isang depormadong bala ng hindi matukoy na kalibre ng baril.

Patuloy ang pagsisiyasat ng pulisya upang matukoy ang motibo sa likod ng pamamaril.

About hataw tabloid

Check Also

Richard Ricky Recto

May tama ng bala at nangangamoy na
EX-BATANGAS GOV., NATAGPUANG PATAY, SA KANYANG BAHAY

MAY tama ng bala at nangangamoy na nang matuklasan ng anak, pulis, at mga opisyal …

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …