Wednesday , December 7 2022
Benjamin Diokno Bongbong Marcos

Pagsibak kay Diokno sa DoF, fake news – FM Jr.

TINAWAG na fake news ni Pangulong Ferdinand R. Marcos Jr., ang kumalat na balitang sisibakin niya bilang kalihim ng Department of Finance (DoF) si Benjamin Diokno.

Ayon sa Pangulo, hindi niya alam kung saan nanggaling ang ulat na ipapalit niya kay Diokno si Albay 2nd District Rep. Joey Salceda.

“Fake news. I don’t know where it comes from. Why would I do that? We’ve assembled a great team,” ani FM Jr., sa panayam matapos ang 49th Founding Anniversary ng Career Executive Service Board (CESB) sa Pasay City kahapon.

“At saka, we’re trying to go down a certain direction. It’s a very, very poor time to change horses in midstream,” dagdag niya.

Itinanggi rin ni Diokno na iiwan na niya ang DoF dahil maganda ang relasyon nila ng Pangulo.

Ipinagkibit-balikat ni Diokno ang tsismis at matanda na siya sa ganitong uri ng laro para maaapektohan pa siya.

Maging si Salceda, chairman ng House Ways and Means Committee, ay minaliit ang ulat na papalitan niya si Diokno.

“The President ultimately makes the decisions on appointments. The Cabinet, after all, is his official family. He has a SOF already. Until he says otherwise, any talk of any appointment is pointless speculation,” ani Salceda.

Umugong ang umano’y napipintong pagsipa kay Diokno sa DoF nang italaga ni FM Jr., si Romeo Lumagui Jr., bilang bagong commissioner ng Bureau of Internal Revenue (BIR) ilang buwan pa lamang makaraang ipuwesto si Lilia Guillermo bilang pinuno ng kawanihan.

Si Lumagui ay mister ni Caramela Esquivas-Lumagui, isang trusted aide ni First Lady Liza Araneta-Marcos na dating associate sa MOST Law, ang law firm na dating kinabibilangan ng Unang Ginang.

Napaulat na hindi umano kinonsulta si Diokno hinggil sa appointment ni Lumagui bilang bagong BIR chief gayong attached agency ng DoF ang BIR.

Maging ang hindi pagsama kay Diokno sa pagdalo ni FM Jr., sa ASEAN at APEC Summit ay naging palaisipan din sa ilang observers na posibleng nagpapahiwatig umano ng pagkupas ng tiwala ng Pangulo sa kanyang finance secretary. (ROSE NOVENARIO)

About Rose Novenario

Check Also

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …

MMDA, NCR, Metro Manila

MMDA clearing ops umarangakada na

MAHIGIT 30 sasakyan ang nahuli sa isinagawang clearing operation ng Metropolitan Manila Development Authority (MMDA) …