Bidaman Wize pararangalan sa 2023 Philippines Faces of Success

MATABIL
ni John Fontanilla

MASAYANG-MASAYA ang It’s Showtime Bidaman na si Wize Estabillo dahil from online ay balik face to face na sila sa pakikipagkulitan sa mga nagiging bisita ng noontime show.

Tsika ni Wize, “Nakatutuwa dahil almost two years ding online ‘yung segment namin sa ‘It’s Showtime,’ pero ngayon balik live na kami.

“Iba ‘yung pakiramdam na face to face mong makakakulitan ‘yung mga Kapamilya nating manonood ng ‘It’s Showtime,’ sana magtuloy-tuloy na.”

Bukod sa It’s Showtime ay abala rin ito sa paggawa ng commercial at print ads. At isa ito sa tatanggap ng parangal sa Dec 3 sa Philippine Faces of Success 2023ng Best Magazine ni Richard Hinola na gaganapin sa Teatrino Greenhills.

Ilan sa kasabay nitong tatanggap ng award sina Sunshine Dizon, Nadine Lustre, Paolo Paraiso, Kim Rodriguez, Teejay Marquez, Ken Chan, Sanya Lopez, Glenn Allona, Norilyn Temblor, Klinton Start, Marianne Beatriz Bermundo, Joel Cruz, Ma Cecilia Bravo, Pedro Bravo, Wilbert Tolentino, Raoul Barbosa, Willy Ong, John Nite, Dulce atbp..