Thursday , June 13 2024
SLP suportado ng TYR PH
ANG MGA TYR Brand Coordinator na sina Keith Medina, Saira Janelle Pabellon, Evenezir Polancos, Jenn Sermonia, Shinloah San Diego, Seb Rafael Santos, Albert Sermonia, SLP officer Fred Ancheta, at TYR Brand Director Kring Marquez. (HENRY TALAN VARGAS)

SLP suportado ng TYR PH

HINDI na kakapusin sa pagkampay ang anim na batang swimmers ng Swimming League Philippines (SLP) para matutukan ang kanilang kahandaan at pagsasanay upang maabot ang misyon na mapabilang sa Philippine Swimming Team sa hinaharap.

Sa pangangasiwa nina TYR Philippines Brand Director Ms. Kring Marquez at Brand Coordinator Keith Medina, pormal na lumagda ng kontrata para maging TYR Brand Ambassadors ang swimming protégée na sina Evenezir Polancos, Seb Rafael Santos, Saira Janelle Pabellon, Shinloah Yve San Diego, at ang magkapatid na Albert Sermonia II at Jenn Albreicht Sermonia.

“We’re very happy and proud to be part of this six young swimmers dream to achieve their goal and success not just in swimming but in life. As partner, the TYR will providing them equipment, competition and training gear as well as support in their future international competitions,” pahayag ni Marquez matapos ang opisyal na paglagda ng memorandum of agreement (MOA) sa Tabloids Organization in Philippine Sports, Inc, (TOPS) ‘Usapang Sports’ sa Behrouz Persian Cuisine sa Sct. Tobias, Quezon City.

Iginiit ni Marquez, napili ng TYR Brand ang anim hindi lamang sa impresibong performance bagkus sa taglay na character at marka sa eskuwelahan. “As a brand na kilala sa quality and affordability, hinahanap namin sa aming mga ambsassador ang kalidad hindi lang sa swimming but also sa kanilang character, school achievement and good relations with their peers. Sa TYR brand hindi kayo mapapahiya,” sambit ni Marquez.

Mula sa iba’t ibang swimming club na nasa pangangasiwa ng SLP sa pamumuno ni Joan Mojdeh, malaking karangalan at dagdag na kasiglahan sa pag-angat ng mga batang career ang pagkakapili sa anim para maging ambassador ng TYR brand. Miyembro ng UST varsity team ang 17-anyos na Albert, habang ang nakababatang kapatid na si Jenn ay naghahanda para sumamal sa Batang Pinoy sa Disyembre, gayondin sa qualifying series para sa pagpili ng mga miyembro na sasabak sa Southeast Asian Age Group championship sa susunod na taon.

“Nagpapasalamat ako at napili kaming magkapatid na mapasama sa TYR Ambassador. Malaking bagay po ito para madagdagan ‘yung suporta sa amin para mas makasali kami sa maraming tournaments,” sambit ni Albert sa programa na itinataguyod ng Philippine Sports Commission (PSC), Games and Amusements Board (GAB), Pagcor at Behrouz Persian Cuisine.

Mula sa General Santos Swimming Club ang magkaeskuwela sa Grade 9 na sina sina Polancos at Pabellon na kapwa may maningning na marka sa local junior competition kabilang ang Batang Pinoy kung saan nakaliga ng marka sa butterfly event ang 13-anyos na si Saira.

“I’ll try my very best and to train hard to achieve my dream of breaking more junior national record. Salamat po sa TYR, sa aking coach at mga magulang ko for guidance and support,” pahayag ni Saira.

Kabilang ang 14-anyos na si San Diego sa 21 scholars na nasa pangangasiwa ng National Academy in Sports (NAS) sa Clark City, habang produkto ng Philippine Science High Scool ang 13-anyos na si Seb. (HATAW SPORTS)

About hataw tabloid

Check Also

Langoy Pilipinas, arangkada sa MSC sa Hunyo 16

Langoy Pilipinas, arangkada sa MSC sa Hunyo 16

Kasado na ang “Langoy Pilipinas’ Age-Group Swimming Championship sa Hunyo 16 sa Marikina Sports Complex …

Tolentino ROTC Games

Mga atletang kadete ng Philippine Army una sa Visayas Leg ng ROTC Games 2024

NANGUNA ang mga atletang kadete mula sa Philippine Army sa Visayas qualifying leg ng Philippine …

Jirah Floravie Cutiyog Chess

Jirah Floravie Cutiyog nagreyna sa 2024 National Age Group Chess Championships U-16 Girls Elimination FIDE Standard tilt

Dumaguete City — Nagkampeon si Jirah Floravie Cutiyog sa 2024 National Age Group Chess Championships …

Michael Concio Jr Chess

IM Concio, Jr., nagkampeon sa 64th San Carlos Charter Day Open Rapid Chess Tournament

SAN CARLOS CITY — Nagwagi si International Master (IM) Michael Concio, Jr., sa 64th San …

Asia ParaTriathlon Championships

Jiachao Wang kampeon sa 2024 NTT Asia Triathlon  Para Championships

MATAGUMPAY na ipinamalas ang lakas at determinasyon ni Jiachao Wang ng China upang angkinin ang …