Pinay WIM Mariano nakisalo sa liderato sa Sweden chess

Marlon Bernardino August 29, 2022 Chess, Other Sports, Sports

MANILA, Philippines — Giniba ni Woman International Master Cristine Rose Mariano si Birger Wenzel sa 3rd round para makisalo sa liderato kasama ang tatlo pang woodpushers sa Stockholm Open 2022 Chess Championships nitong Sabado na ginanap sa Stockholms Schack Salongen sa Stockholm, Sweden.

Sa pangyayaring ito, napataas ni Mariano ang kanyang total score sa 3 points kasama ang tatlo pang chess players para sa tuktok ng liderato.

Ang iba pang manlalaro na nakapagtala ng 3 points gaya ni Mariano ay sina top seed Grandmaster Jonathan Westerberg, Simon Marder at Dan Eriksson.

Si Umeå, Sweden based Mariano ay Culinary student ng Astar School, ang nagpayuko kina Simon Ingleman-Sundberg sa first round at sa Sture Lindberg sa second round.

Si Mariano, isang Olympian at maraming beses na National Women’s champion at isa sa top player ng Philippine Air Force (PAF) chess team ay makakaharap si Eriksson sa fourth round.

Kasalukuyan siyang nakahimpil sa Lodge 32@ Hotel Hornsgatan.

Bago ang tournament, si Mariano ay nasa rigid physical training sa ilalim na pngangasiwa nina Koper, Andreas, Sofie, Lars at Abe.

Ang kanyang kampanya ay suportado nina Dr. MK at Mr. TW. (MARLON BERNARDINO)