Tuesday , September 27 2022
Philracom Horse Race

Eazacky at Gomezian magpapakitang gilas

TAMPOK ang anim na batang kabayo sa pangunguna nina Eazacky at Gomezian sa 2022 PHILRACOM “3-Year-Old Sprint Race” na gaganapin sa San Lazaro Leisure Park sa Carmona, Cavite, ngayong araw.

Makakatapat nina Eazacky na pag-aari ni Ezel Besamis at pambato ni horse owner Alfredo Santos, Gomezian sina Club Kensai, Enigma Uno, Palauig at Roaring Kanyon sa distansiyang 1,000 meter race.

Inaasahang hitik na aksiyon ang magaganap lalo’t hindi pa nagsisimula ang laban ay bakbakan na ang mga karerista sa debate sa social media kung sino ang mananalo sa laban.

Ayon sa ibang karerista walang nakasisiguro sa mga kalahok kung sino ang mananalo kahit patokin pa ito ng karera tipsters sa programa.

“Kung sino maganda kondisyon ‘yun ang malaki ang tsansang manalo kaya sa parada sipating maigi kung sino ang medyo masigla at sigurado maganda ang ipakikita ni kabayo,” sambit ni Peter Gil, beteranong karerista.

Rerendahan ni jockey John Alvin Guce si Eazacky habang si Class A rider Oneal Cortez ang gagabay kay Gomezian sa karerang nakalaan ang guaranteed prize na P1 milyom sa unang apat na kabayong tatawid sa meta.

Kokobrahin ng mananalong kabayo ang P900,000 habang hahamigin ng second, third at fourth placers ang tig P337,500, P187,500 at P75,000 batay sa pagkakahilera.

Magbubulsa rin ng P75,000 ang breeder ng winning horse, tig P45,000 at 30,000 ang second at third. sa event na suportado ng Philippine Racing Commission, (PHILRACOM) na pinamamahalaan ni chairman Reli De Leon.

Bukod sa nabanggit na karera, tiyak na aabangan din ng mga karerista ang bakbakan ng walong tigasing kabayo 2022 PHILRACOM Special Invitational Race na ilalarga sa pang-siyam na karera.

Posibleng magdomina sa takilya ang kalahok na si Righteous Ruby sa distansiyang 1,500 meter  race.

Makakasukatan sa bilis ni Righteous Ruby sina Darleb, Best Regards, magkakuwadrang Time For Glory at Downsideprotection, Shastaloo, Shanghai Noon at Starrininmydreams. (MARLON BERNARDINO)

About Marlon Bernardino

Check Also

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Rubilen “Bingkay” Amit

Sa Austria
AMIT, CENTENO NAGPARAMDAM AGAD NG LAKAS 

MANILA, Philippines – Nagparamdam agad ng lakas sina Billiard stars Rubilen Amit at Chezka Centeno …

Rhaki Roj Constantino

Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea …