Wednesday , April 17 2024
James “Dodong Diamond” Aranas

Aranas binigo si Bongay tungo sa semis

ni Marlon Bernardino

MANILA —Binigo ni James “Dodong Diamond” Aranas si Lauro Bongay, 11-2, sa duel ng fancied Filipino bets tungo sa pagkatok sa semifinal round ng 2022 APF (Asian Pool Federation Ltd) Asian 9-Ball Open tour na ginaganap sa Aspire Recreation Centre sa Singapore, Sabado ng gabi.

Nakamit agad ni Aranas ang 6-0 lead kontra kay Bongay na ang dulot ay para makapasok sa semis at makaduwelo si Naoyuki Oi ng Japan.

Sinipa ni Oi si Anthony Raga, 11-5, para mapurnada ang isang all-Filipino semifinal affair.

Kung papalaring manalo si Aranas ay malaki ang posibilidad na all-Filipino final sa inaugural edition ng torneo matapos manaig si Johann Chua na nakapasok din sa semifinals sa kabilang side ng bracket.

Pinayuko ni Chua si Robbie Capito ng Hong Kong, 11-10, sa quarterfinals.

Makakalaban ni Chua sa Last 4 si Ko Pin Yi ng ChineseTaipei na pinatalsik si Masato Yoshioka ng Japan, 11-4, sa ibang resulta sa quarters.

Sariwa pa ang pagkopo ni Chua sa gold medal sa 9-ball pool competition sa Southeast Asian Games na ginanap sa Hanoi, Vietnam nitong Mayo.

Sa distaff side ay magtutuos sina Rubilen Amit at Chezka Centeno sa quarterfinals matapos manalo sa kani-kanilang nakatunggali.

Iwinasiwas ni Amit si Yuki Hiraguchi ng Japan, 9-3, habang ibinasura ni Centeno si Suvene Ng ng Singapore, 9-3.

Ngunit hindi pinalad makapasok sa susunod an round si Geona Kristine Gregorio.

Si Gregorio, long-time partner ni Cua ay natalo kontra kay Silviana Lu ng Indonesia, 7-9.

About Marlon Bernardino

Check Also

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …