Tuesday , September 27 2022
AKSYON AGAD ni Almar Danguilan
AKSYON AGAD ni Almar Danguilan

‘Wag naman…

AKSYON AGAD
ni Almar Danguilan

MATINDI ba ang galit mo kay Quezon City Mayor Joy Belmonte? Oo ikaw na nagpakalat ng fake news kaugnay sa kanyang amang ni dating House Speaker Sonny Belmonte?

Kung ikaw ay may galit sa alkalde dahil lamang sa politika, huwag nang idamay ang kanyang ama na naging alkalde rin ng lungsod, at sa halip ay si Mayor Joy na lamang ang tirahin mo.

Nitong nakaraang linggo, hindi biro o maituturing na masamang biro ang kumalat na fake news na patay na raw si Speaker Belmonte. Marami ang nagulat sa ulat – marami kasing nagmamahal sa dating alkalde.

Kaya malamang na walang tigil ang tunog ng cellphone ng pamilya Belmonte para alamin ang katotohanan niyan. Hayun, napatunayan na ‘koryente’ lang ang balita. Fake news dahil buhay na buhay ang ama ng two-termer na alkalde ng lungsod.

Sa isang statement, inilinaw ni Mayor Joy na fake news ang balitang pumanaw na ang kanyang ama.

“There is absolutely no truth to this alleged ‘Breaking News’ item. By God’s Grace, my father is alive, well, and in good spirits. I would like to thank those who expressed concern, and took the time to verify if the reports were true or not. I can assure everyone that my Dad is perfectly healthy,” pahayag ni Mayor Belmonte.

“I would like to request all truth-loving netizens to kindly refrain from sharing this false information, and if possible, correct it if they encounter it on their social media feeds,” dagdag ng alkalde.

Bilang patunay pang buhay si dating Speaker ay nagpa-interview siya sa mga mamamahayag na nagpapakita na siya ay buhay na buhay at malusog ang pangangatawan.

E sino ba kasi ang may kagagawan nito? Sa grupong nasa likod nito, kung may galit kayo kay Mayor Joy, huwag nang idamay ang kanyang ama. Wala naman kayong mapapala sa pinaggagawa ninyo. Mayroon ba kayong napala nang ikalat niyo ang fake news? Nadagdagan ba ang buhay mo/ninyo ng ilang araw sa pagpapakalat ng fake news?

Ngayon, kung nagawa ninyo ito dahil lamang sa politika at dahil talunan ang inyong grupo sa nagdaang halalan, huwag pa rin idamay ang matandang Belmonte dahil wala naman siyang kinalaman sa nagdaang halalan. Taongbayan ang nagsalita para kay Mayor Joy kaya siya’y nanalo.

Sa tingin ko ay malamang na desperado na ang mga nasa likod ng fake dews. Wala kasi silang makitang ‘butas’ laban kay Mayor Joy sa pamumuno niya ngayon kaya, kung ano-anong paraan na lamang nilang istorbohin ang alkalde sa pagtatrabaho o paglilingkod nito sa mamamayan ng lungsod.

Malinis at maganda kasi ang palakad ng alkalde sa lungsod bukod sa naging prayoridad ang mamamayan dahilan para walang makitang isyu laban sa babaeng lider. So, para lang mapansin ang mga kalaban, hayun kung ano-ano na lamang ang ikinalat sa social media. Desperado na talaga ang mga katunggali ng alkalde sa politika.

Bagamat, ang kagandahan naman nito ay hindi nagpaapekto si Mayor Joy sa fake news, tuloy pa rin ang kanyang serbisyo publiko sa mamamayan ng lungsod. At malamang na iyan ang kinaiinggitan sa alkalde.

About Almar Danguilan

Check Also

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …

Dragon Lady Amor Virata

Food crisis nakaamba, paano na ang Pinoy?

Isumbong mokay DRAGON LADYni Amor Virata KUNG sakaling magkaroon ng food crisis sa darating na …

YANIG ni Bong Ramos

Mga pulis sa Blumentritt  Detachment, tunay  na mga trabahador

YANIGni Bong Ramos KUNG may patimpalak o ‘di kaya’y kompetisyon para sa best police detachment …

ULINIG ni Randy V. Datu

Sa dumaraming imported frozen
AGRI-PRODUCTS MULA CHINA, ATBP PAMILIHAN, LIGTAS NGA BA?

ULINIGni Randy V. Datu MULA nang isulat ko ang column na Ulinig sa respetado at …