Tuesday , October 4 2022
FIRING LINE ni Robert B. Roque, Jr.
FIRING LINE ni Robert B. Roque, Jr.

‘Di holiday ngayon; tanungin n’yo pa si JPE

FIRING LINE
ni Robert B. Roque, Jr.

SINITA ng Commission on Audit (COA) ang Department of Education (DepEd) dahil 23 porsiyento lang ng mga kinakailangang kumpunihing silid-aralan sa buong bansa ang nakompleto nito noong 2021, kahit pa mayroong P9.49 bilyong budget na inilaan para rito.

Bukod pa ito sa pagbibigay-diin ng COA sa kakulangan ng DepEd na gastusin ang P4.52-bilyong pondo nito sa distance learning o ang P2.4 bilyong ipinambili nito ng mga wala nang silbing laptops.

Teka, ano nga iyong humihiling sa Kongreso ng P848-bilyon budget sa susunod na taon?

*              *              *

Sawa na ba kayo sa mga tinaguriang ‘political butterflies’? Well, hindi ito maliit na bagay lang para kay dating pangulo-ngayon-ay-House Senior Deputy Speaker Gloria Macapagal-Arroyo.

Inihain niya kamakailan ang House Bill No. 488 (Political Party Act), na nagpaparusa sa lahat ng mga papalit-palit ng partido politikal gaya niyong mga nang-iwan sa kanya sa ere sa napakakontrobersiyal noong iilang araw na natitira sa kanyang pagkapangulo. Pero mistulang iba na rin ang mga kasa-kasama niya sa nakalipas na mga buwan, o baka naman para lang siyang isang batang naliligaw.

Pinipigilan kong matawa, pero ang dating sa akin nito ay isang nakatatawang kuwentong enkanto dahil nanggaling sa kanya. E, bakit hindi na lang ihaing muli ang anti-dynasty bill? Para bang kumuha ka ng bato at ipinukpok mo sa sarili mong ulo?

*              *              *

Iniulat nitong Miyerkoles ng Manila Bulletin na sinabi raw ni Sen. Ronald “Bato” Dela Rosa, dating nanguna sa gera kontra droga ng administrasyong Duterte bilang PNP chief, kaisa siya ng mga biktima at pami-pamilyang naapektohan ng nabanggit na kampanya. Maikling katahimikan… tapos, mahabang katahimikan.

Pendong-Peace!

*              *              *

Nitong Huwebes, mismong si Press Secretary Trixie Cruz-Angeles ang nagsagawa ng weirdong hakbangin na i-fact-check ang naglabasan sa social media na umano’y proklamasyon ng pangulo na nagdedeklara sa 9 Agosto 2022 bilang special holiday upang bigyang-respeto ang pagpanaw ni dating pangulong Fidel V. Ramos.

“Fake news” lang daw ‘yun, aniya.

Kayo naman, guys… kahit nga si Juan Ponce Enrile ay may pasok ngayong araw!

*              *              *

Kasunod ng pagkakatalaga ni Pangulong Marcos sa dati niyang election lawyer, si George Erwin Garcia, bilang chairman ng Commission on Elections –

Garcia: “Nagulat talaga ako.”

Ako: E, ako hindi.

*              *              *

Para sa ilan sa aking mga mambabasa, brutal daw ang pagiging kuwela ng pagkondena ko sa pagkakatalaga kay dating solicitor general Jose Calida sa COA sa mismong araw ng kanyang kaarawan.

Well, nag-sorry naman ako kung brutal man ang dating ng ginawa ko.

Sa totoo lang, panis nga ako sa patawang komento ng isang netizen na nagsabing ang pagiging hepe ng COA ng isang dating SolGen — na kumubra ng apat na beses ng kanyang suweldo bilang allowances — ay maitutulad sa ‘pagtatalaga kay Dracula para guwardiyahan ang blood bank.’

*              *              *

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View. Basahin ang bago at nakalipas na issues ng kolum na ito sa http://www.thephilbiznews.com

About Robert B. Roque, Jr.

Check Also

ULINIG ni Randy V. Datu

Kabayaran ng katigasan ng ulo sa panahon ng kalamidad

ULINIGni Randy V. Datu MAPAGPALANG ARAW sa ating lahat. Ating naulinigan na maaliwalas na ang …

FIRING LINE ni Robert B. Roque, Jr.

Sino’ng nakikinig kay Bongbong?

FIRING LINEni Robert B. Roque, Jr. MALIWANAG na ang pinakamahalagang natamo sa biyahe kamakailan ni …

AKSYON AGAD ni Almar Danguilan

QC Jail PDLs, nabigyan ng pag-asang makapagtapos sa K12

AKSYON AGADni Almar Danguilan ANAK mo ba’y nakakulong ngayon sa Quezon City Jail Male Dormitory …

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGADni Almar Danguilan NAKAPAPANGAMBA ang ulat ng Philippine Chinese Chamber of Commerce and Industry, …